JOIN OUR WHATSAPP GROUP https://chat.whatsapp.com/BCOwaLGheC02b6xzMmfnRT
തിരുവനന്തപുരം: ഒമിക്രോൺ വ്യാപനം വർധിച്ച് അപകടകരമായ സാഹചര്യം ഉണ്ടായാൽ സംസ്ഥാനത്ത് സ്കൂൾ അടയ്ക്കുന്ന കാര്യത്തിൽ തീരുമാനമെടുക്കുമെന്ന് മന്ത്രി വി.ശിവൻകുട്ടി. തിരുവനന്തപുരത്ത് മാധ്യമപ്രവർത്തകരുടെ ചോദ്യത്തിന് മറുപടി പറയുകയായിരുന്നു മന്ത്രി. കോവിഡിന് ശേഷം കേരളത്തിൽ സ്കൂളുകൾ തുറന്ന് ഈ ദിവസംവരെ സർക്കാരിന്റെ അതീവ ഗൗരവത്തോടെയുള്ള ഇടപെടലിന്റെ അടിസ്ഥാനത്തിൽ ഒരു പ്രശ്നവും ഉണ്ടായിട്ടില്ല. ഇനി ഒമിക്രോണിന്റെ എണ്ണം കൂടിവന്ന് സ്കൂളുകൾ തുറക്കാൻ പറ്റാത്ത ഒരു സാഹചര്യം ഉണ്ടാകുമെന്ന തരത്തിൽ വിദഗ്ധ അഭിപ്രായം വന്നാൽ അത് പരിഗണിച്ച് ആവശ്യമായ തീരുമാനം എടുക്കുമെന്നും മന്ത്രി പറഞ്ഞു.
