editorial@schoolvartha.com | markeiting@schoolvartha.com
വിദ്യഭ്യാസ വാർത്തകൾ
Google Play School Vartha
പ്രധാന വാർത്തകൾ
പ്രൈവറ്റ് രജിസ്ട്രേഷൻ അസൈൻമെന്റ്,പിഎച്ച്ഡി പ്രവേശനം, റിഫ്രഷർ കോഴ്സ്: കണ്ണൂർ സർവകലാശാല വാർത്തകൾTATA, HCL റിക്രൂട്ട് -ട്രെയിൻ ആൻഡ് ഡിപ്ലോയ് പ്രോഗ്രാം: പ്ലസ്ടു പാസ്സായവർക്ക് അവസരംസംസ്ഥാന സ്കൂൾ കലോത്സവം മാന്വൽ പ്രകാരം നടക്കും: പൊതുവിദ്യാഭ്യാസ ഡയറക്ടർദേശീയഉദ്യാനങ്ങൾ, വന്യജീവി സങ്കേതങ്ങൾ എന്നിവയിൽ പ്രവേശനം സൗജന്യംപരീക്ഷകൾ മാറ്റി, പരീക്ഷാഫലം, പ്രവേശനം മാറ്റി: കേരള സർവകലാശാല വാർത്തകൾഅവധി, പരീക്ഷാ ഫലങ്ങൾ, പിജി പ്രവേശനം: ഇന്നത്തെ കാലിക്കറ്റ്‌ സർവകലാശാല വാർത്തകൾപരീക്ഷകൾ മാറ്റി, യോഗ പിജി ഡിപ്ലോമ, പരീക്ഷകൾ, പരീക്ഷാഫലങ്ങൾ: എംജി സർവകലാശാല വാർത്തകൾ  ഒക്ടോബർ 2ന് കോളേജുകളിലും പരിപാടികൾ: ലഹരിമുക്ത കേരളത്തിന് വിപുലമായ ഒരുക്കങ്ങൾസംസ്കൃത സർവകലാശാലയിൽ ബിരുദ പ്രവേശനം: അവസാന തീയതി ഒക്ടോബർ 3എൻജിനിയറിങ് ഗ്രാജുവേറ്റ് അപ്രന്റീസ് ട്രെയിനിങ്: 1000ൽ അധികം ഒഴിവുകൾ

കുട്ടികൾക്ക് പോഷകാഹാരം വീടുകളിൽ എത്തിച്ച് പഴകുളം കെവിയുപി സ്കൂൾ

Published on : October 13 - 2021 | 3:41 pm

പത്തനംതിട്ട: കുട്ടികളിലെ പോഷകാഹാരക്കുറവ് പരിഹരിക്കുന്നതിന് വിവിധയിനം ധാന്യങ്ങൾ ഉപയോഗിച്ച് ഹെൽത്ത് മിക്സ് തയ്യാറാക്കി വീടുകളിൽ എത്തിച്ചു നൽകുകയാണ് പഴകുളം കെവിയുപി സ്കൂൾ. കുട്ടികളുടെ ഉച്ചഭക്ഷണ പദ്ധതിയുമായി ബന്ധപ്പെട്ട പോഷണ അഭിയാൻ മാസാചരണത്തിൻ്റെ ഭാഗമായാണ് പോഷകസമൃദ്ധമായ ധാന്യക്കൂട്ട് കുട്ടികൾക്ക് നൽകുന്നത്.

മൂന്നു വയസു മുതൽ 12 വയസു വരെയുള്ള പ്രായത്തിൽ കുട്ടികളിലെ ഭാരക്കുറവും, ഭക്ഷണം കഴിക്കാനുള്ള മടിയും കുട്ടികളിൽ വലിയ ആരോഗ്യ പ്രശ്നം സൃഷ്ടിക്കുന്നു. പാർശ്വഫലങ്ങളില്ലാത്ത പ്രകൃതിദത്തമായ ധാന്യക്കൂട്ടായ ഹെൽത്ത് മിക്സ് നൽകുന്നതിലൂടെ അവരിൽ പോഷക അഭാവം പരിഹരിക്കുന്നതിനും തൂക്കം വർദ്ധിപ്പിക്കുന്നതിനും സാധിക്കുന്നു
സൂചി ഗോതമ്പ്, റാഗി, ചെറുപയർ, ഞവര അരി, കടലപ്പരിപ്പ്, മുതിര, ഉഴുന്ന്, ചൗവ്വരി, ബാർലി, സോയാബീൻ, നിലക്കടല, ബദാം, കശുവണ്ടി പരിപ്പ്, കറുപ്പട്ട, ഏലക്കാ തുടങ്ങി 15 ഇനം വസ്തുക്കൾ കഴുകി ഉണക്കി, വറുത്ത് പൊടിച്ച് 250 ഗ്രാം പാക്കറ്റുകളിലാക്കി സീൽ ചെയ്താണ് ഓരോ കുട്ടിക്കും നൽകുന്നത്. വറുത്ത് പൊടിച്ച് പാക്കറ്റാക്കുന്നതിനു വേണ്ട സഹായം ചെയ്തത് പഴകുളം മുള്ളുവിളയിൽ ഫ്ലവർ മിൽസ് ആണ്.


പോഷകാഹാര കുറവ് ഉയർത്തുന്ന പ്രശ്നങ്ങൾ കുട്ടികളെയും രക്ഷിതാക്കളെയും ബോധ്യപ്പെടുത്തുന്നതിനായി അടൂർ ഗവ: ഹോസ്പിറ്റലിലെ ഡയറ്റീഷ്യനായ ജ്യോതി.എൻ.നായരുടെ ഒരു ബോധവത്ക്കരണം ക്ലാസും ഇതോടൊപ്പം സംഘടിപ്പിച്ചു.


അടൂർ ഉപജില്ലാ, വിദ്യാഭ്യാസ ഓഫീസർ ബി.വിജയലക്ഷ്മി, പി.ടി.എ.പ്രസിഡൻ്റ് എസ്.ആർ സന്തോഷ്, കവിതാ മുരളി ഹെഡ്മിസ്ട്രസ്, പ്രോഗ്രാം കോർഡിനേറ്റർ കെ.എസ്. ജയരാജ്, സ്കൂൾ വിദ്യാർത്ഥി കോർഡിനേറ്റർമാരായ സിദ്ധാർത്ഥ്.എസ്, ഹംദാ ബസീം, അധ്യപകരായ ലക്ഷ്മി രാജ്, ബീന.വി., വന്ദന. വി.എസ്, സ്മിത.ബി, ശാലിനി. എസ്. എന്നിവരുടെ നേതൃത്വത്തിലാണ് ഈ മികച്ച പ്രവർത്തനം നടപ്പിലാക്കുന്നത്. പദ്ധതിയുടെ ഉദ്ഘാടനം
പത്തനംതിട്ട ജില്ലാ പഞ്ചായത്ത്‌ അംഗം ശ്രീനാദേവി കുഞ്ഞമ്മ നിർവഹിച്ചു.

0 Comments

Related News