തിരുവനന്തപുരം:ക്രിസ്മസ് അവധിക്ക് ശേഷം സംസ്ഥാനത്തെ സ്കൂളുകൾ ഇന്ന് തുറക്കും. മാറ്റിവച്ച പ്ലസ് ടു ഹിന്ദി പരീക്ഷ ഇന്ന് രാവിലെ 9.30 മുതൽ നടക്കും. ഇന്ന് ഉച്ചക്ക് ശേഷം നടത്താനാണ് ആദ്യം നിശ്ചയിച്ചിരുന്നതെങ്കിലും രാവിലത്തേക്ക് മാറ്റി സർക്കുലർ ഇറക്കിയിട്ടുണ്ട്. ഇനിയുള്ള 2 മാസക്കാലം വാർഷിക പരീക്ഷയ്ക്ക് തയാറെടുക്കാനുള്ള സമയമാണ്. മിനിമം മാർക്ക് സമ്പ്രദായം ഉള്ളതിനാൽ എല്ലാ സ്കൂളുകളിലും പാഠഭാഗങ്ങൾ സമയബന്ധിതമായി പൂർത്തിയാക്കാനും ഇതിനു ശേഷം റിവിഷൻ നടത്താനും നിർദേശം ഉണ്ട്. പ്ലസ്ടു പ്രാക്റ്റിക്കൽ പരീക്ഷകൾ ജനുവരി 22ന് ആരംഭിക്കും. പ്ലസ് വൺ/പ്ലസ് ടു മോഡൽ പരീക്ഷകൾ ഫെബ്രുവരി 16 മുതൽ 23 വരെയാണ് നിശ്ചയിച്ചിരിക്കുന്നത്. സ്കൂൾ വാർഷിക പരീക്ഷകൾ മാർച്ച് 2 മുതൽ 30വരെ നടക്കും. നിശ്ചിത ക്ലാസുകളിൽ മിനിമം 30% മാർക്ക് ലഭിക്കാത്ത വിദ്യാർത്ഥികൾക്ക് ഏപ്രിൽ മാസത്തിൽ സ്പെഷ്യൽ ക്ലാസുകൾ നൽകും. ഇതിന് ശേഷം മെയ് മാസത്തിൽ സേ പരീക്ഷ നടത്തും.
- പ്ലസ് ടു ഫലം പ്രസിദ്ധീകരിച്ചു: 77.97% ശതമാനം വിജയം
- പ്ലസ് ടു ഫലം മൂന്നരയോടെ പരിശോധിക്കാം: വിജയ ശതമാനം ഉയരും?
- പ്ലസ് വൺ പ്രവേശനത്തിന് നേറ്റിവിറ്റി, വരുമാനം, ജാതി സർട്ടിഫിക്കറ്റ് തുടങ്ങിയവ ആവശ്യമില്ല: വിശദവിവരങ്ങൾ അറിയാം
- ഹയർ സെക്കൻഡറി ഫല പ്രഖ്യാപനം 26ന്: ഫലം അറിയുന്ന ലിങ്കുകൾ ഇതാ
- താൽകാലിക അധ്യാപക നിയമനത്തിനും ഇനി കെടെറ്റ്: വിശദവിവരങ്ങൾ അറിയാം
