പുതിയ അധ്യയനവർഷമെത്തി: കഴിഞ്ഞ വർഷത്തെ അധ്യാപക പുരസ്‌കാരം എവിടെ?

SUBSCRIBE OUR YOUTUBE CHANNEL  https://youtube.com/c/SchoolVartha
JOIN OUR WHATSAPP GROUP https://chat.whatsapp.com/DRpNCoPl6UWGt1uknNk9db

തിരുവനന്തപുരം:പുതിയ അധ്യയന വർഷത്തിന് നാളെ തുടക്കമാകുമ്പോഴും കഴിഞ്ഞ വർഷത്തെ സംസ്ഥാന സ്കൂൾ അധ്യാപക അവാർഡ് പ്രഖ്യാപനം എങ്ങുമെത്തിയില്ല. അധ്യാപകർക്ക് ഊർജ്ജം പകരുന്ന സംസ്ഥാന പുരസ്‌കാരം കഴിഞ്ഞ അധ്യയന വർഷം പ്രഖ്യാപിച്ചില്ല. മുൻ വർഷങ്ങളിൽ അധ്യാപക ദിനത്തിനു മുൻപായി നടക്കാറുള്ള പുരസ്കാര പ്രഖ്യാപനമാണ് 8 മാസം പിന്നിട്ടിട്ടും നീണ്ടുപോകുന്നത്. സാധാരണ അവാർഡ് പ്രഖ്യാപനം നടത്തി അധ്യാപക ദിനത്തിൽ വിതരണം ചെയ്യാറാണ് പതിവ്. മുൻവർഷങ്ങളിൽ നിന്നും വിഭിന്നമായി കഴിഞ്ഞ നടപടികൾ കർശനമാക്കിയിരുന്നു.
പുരസ്കാരത്തിനായി നേരത്തെ അധ്യാപകർക്ക് സ്വയം അപേക്ഷിക്കാൻ കഴിഞ്ഞിരുന്നെങ്കിൽ കഴിഞ്ഞ വർഷം മുതൽ പുരസ്കാരത്തിനായി ഏതെങ്കിലും അധ്യാപകനെ സ്റ്റാഫ് കൗൺസിലോ പ്രധാന അധ്യാപകനോ ശുപാർശ ചെയ്യണം. ശുപാർശ ചെയ്യപ്പെട്ട അധ്യാപകന്റെ പ്രവർത്തനങ്ങൾ ജില്ലാതലത്തിലും സംസ്ഥാനതലത്തിലും അവതരിപ്പിക്കുകയും വേണം.

എൽപി മുതൽ ലൊക്കേഷണൽ ഹയർസെക്കൻഡറി വരെയുള്ള 5 വിഭാഗങ്ങളിൽ നിന്നായി 2 വീതം അധ്യാപകരെയാണ് ഓരോ ജില്ലയിൽ നിന്നും പുരസ്കാര നിർണ്ണയതിന്റെ സംസ്ഥാനതല റൗണ്ടിലേക്ക് തിരഞ്ഞെടുത്തിട്ടുള്ളത്. 14 ജില്ലകളിൽ നിന്നുള്ള 140 അധ്യാപകരുടെ സംസ്ഥാനതല അവതരണം പൂർത്തിയാക്കിയാണ് അവാർഡ് നിർണയം നടത്തുക. എന്നാൽ ജൂൺ മാസം എത്തിയിട്ടും പുരസ്കാര പ്രഖ്യാപനം നടന്നിട്ടില്ല.
മുൻ വർഷങ്ങളിൽ സെപ്റ്റംബർ 5ന് അധ്യാപക ദിനത്തിലാണ് പുരസ്കാരം സമ്മാനിച്ചിരുന്നത്.

കോവിഡിന് ശേഷം സ്കൂൾ പ്രവർത്തനം ആരംഭിച്ച കഴിഞ്ഞ വർഷം അല്പം വൈകിയിരുന്നു. എന്നാൽ പുതിയ അധ്യയന വർഷമെത്തിയിട്ടും കഴിഞ്ഞ വർഷത്തെ അധ്യാപക പുരസ്‌കാരം പ്രഖ്യാപിക്കാൻ കഴിഞ്ഞിട്ടില്ല. ഇനി കഴിഞ്ഞ വർഷത്തെയും ഈ വർഷത്തെയും പുരസ്‌കാരം ഒരുമിച്ച് പ്രഖ്യാപിക്കേണ്ടി വരും.