മാത്യൂസിന് 1200ൽ 1200മാർക്ക് കിട്ടി: ഹൈക്കോടതിയുടെ സഹായത്തോടെ

SUBSCRIBE OUR YOUTUBE CHANNEL https://youtube.com/c/SchoolVartha
JOIN OUR WHATSAPP GROUP https://chat.whatsapp.com/HQhjpKVfYW18KNNmRpNRq0

കൊച്ചി: പ്ലസ് ടു പരീക്ഷയിൽ 1198 മാർക്ക് ലഭിച്ച വിദ്യാർത്ഥിക്ക് ഹൈക്കോടതിയുടെ ഇടപെടലിനെ തുടർന്ന് ലഭിച്ചത് 1200ൽ 1200 മാർക്ക്. പാലാ ഭരണങ്ങാനം സെന്റ് മേരീസ് ഹയർ സെക്കൻഡറി സ്കൂൾ വിദ്യാർഥിയായ കെ.സി. മാത്യൂസാണ് മുഴുവൻ മാർക്കും നേടിയത്. ഇക്കഴിഞ്ഞ പ്ലസ് ടു പരീക്ഷാഫലം വന്നപ്പോൾ 1198 മാർക്കാണ് മാത്യൂസിന് ലഭിച്ചിരുന്നത്. പൊളിറ്റിക്കൽ സയൻസിന് രണ്ട് മാർക്ക് കുറഞ്ഞിരുന്നു.

ഇതേതുടർന്ന് സൂക്ഷ്മ പരിശോധന, പുനർമൂല്യനിർണയം എന്നിവ നടത്തി. എന്നാൽ മാർക്ക് കൂടിയില്ല. ഉത്തരക്കടലാസിന്റെ പകർപ്പെടുത്ത് പരിശോധിച്ചപ്പോൾ മുഴുവൻ മാർക്കിനും അർഹതയുണ്ടെന്ന് മനസ്സിലായി. ഇതോടെയാണ് ഹൈകോടതിയെ സമീപിച്ചത്. കോടതി നിർദേശപ്രകാരം പൊതുവിദ്യാഭ്യാസ ഡയറക്ടർ ഓൺലൈൻ ഹിയറിങ് നടത്തി അർഹതപ്പെട്ട മാർക്ക് കൂട്ടിനൽകി ഉത്തരവിറക്കി. അർഹതപ്പെട്ട വിജയം നിയമ സഹായത്തോടെ നേടിയ മാത്യൂസിനെ സ്കൂൾ അധികൃതരും സഹപാഠികളും അഭിനന്ദിച്ചു.