എസ്‌എസ്‌എൽസിക്ക് 99.26 ശതമാനം വിജയം: 44,363 പേർക്ക് ഫുൾ എപ്ലസ്

JOIN OUR WHATSAPP GROUP https://chat.whatsapp.com/DWYZgC3xISkCKoxold7q7S

തിരുവനന്തപുരം: ഈ വർഷത്തെ എസ്‌എസ്‌എൽസി പരീക്ഷാഫലം പ്രഖ്യാപിച്ചു. 99.26 ശതമാനം ആണ്‌ വിജയം. ഈവർഷം മുഴുവൻ വിഷയങ്ങൾക്കും എ പ്ലസ് നേടിയ കുട്ടികളുടെ എണ്ണം 44,363 ആണ്. കഴിഞ്ഞ വർഷം ഇത് 1,25,509 (ഒരു ലക്ഷത്തി ഇരുപത്തി അയ്യായിരത്തി അഞ്ഞൂറ്റി ഒൻപത്) ആയിരുന്നു. പരീക്ഷ എഴുതിയ 4,26,469 വിദ്യാർഥികളിൽ 4,23,303 പേര്‍ ഉപരിപഠനത്തിന് യോഗ്യത നേടി. പിആർഡി ചേമ്പറിൽ മന്ത്രി വി.ശിവൻകുട്ടിയാണ് ഫലപ്രഖ്യാപനം നടത്തിയത്.👇🏻കഴിഞ്ഞവർഷം 99.46 ശതമാനമായിരുന്നു വിജയം. കോവിഡ്‌ പ്രതിസന്ധിക്കിടയിലും മികച്ച വിജയം നേടിയ വിദ്യാർഥികളെയും അതിന് പിന്തുണ നൽകിയ അധ്യാപകരെയും കൂടെനിന്ന രക്ഷിതാക്കളെയും മന്ത്രി അഭിനന്ദിച്ചു.

1,91,382 (ഒരു ലക്ഷത്തി തൊണ്ണൂറ്റി ഒന്നായിരത്തി മുന്നൂറ്റി എൺപത്തി രണ്ട് വിദ്യാർത്ഥികൾ മലയാളം മീഡിയത്തിലും 2,31,506(രണ്ട് ലക്ഷത്തി മുപ്പത്തി ഒന്നായിരത്തി അഞ്ഞൂറ്റി ആറ് വിദ്യാർത്ഥികൾ ഇംഗ്ലീഷ് മീഡിയത്തിലും 2,139(രണ്ടായിരത്തിഒരുന്നൂറ്റി മുപ്പത്തി ഒൻപത് വിദ്യാർത്ഥികൾ കന്നട മീഡിയത്തിലും 1,442 ആയിരത്തി നാനൂറ്റി
നാൽപ്പത്തി രണ്ട് വിദ്യാർത്ഥികൾ തമിഴ് മീഡിയത്തിലുമാണ് പരീക്ഷ എഴുതിയത്.
എസ്.എസ്.എൽ.സി പ്രൈവറ്റ് വിഭാഗത്തിൽ 409(നാനൂറ്റി ഒൻപത് പേർ പരീക്ഷ എഴുതി. ഈ വർഷം മുഴുവൻ വിദ്യാർത്ഥികളെയും ഉപരിപഠനത്തിന് അർഹരാക്കിയ വിദ്യാലയങ്ങളുടെ ആകെ എണ്ണം 2,134. കഴിഞ്ഞ വർഷം ഇത് 2,210 ആയിരുന്നു.

ഉത്തരക്കടലാസുകളുടെപുനർമൂല്യനിർണ്ണയം സൂക്ഷ്മപരിശോധന, ഫോട്ടോകോപ്പി എന്നിവയ്ക്കുളള അപേക്ഷകൾ 2022 ജൂൺ 16 മുതൽ 21 വരെ ഓൺലൈനായി നൽകാം.
ഉപരിപഠനത്തിന് അർഹത നേടാം റഗുലർ വിഭാഗം വിദ്യാർത്ഥികൾക്കുളള \”\'(SAY)
പരീക്ഷാ വിഞ്ജാപനം പ്രത്യേകമായി പ്രസിദ്ധീകരിക്കുന്നതാണ്. 2022 ജൂലൈയിൽ സേ പരീക്ഷകൾ നടത്തുന്നതാണ്. ഉപരിപഠനത്തിന് യോഗ്യത നേടാത്ത വിദ്യാർത്ഥികൾക്ക് പരമാവധി
മൂന്ന് 3 വിഷയങ്ങൾക്ക് വരെ സേ പരീക്ഷ എഴുതാവുന്നതാണ്.

• എംഎസ് സൊല്യൂഷൻസിനെതിരെ കൂടുതൽ പരാതികൾ: അന്വേഷണം തുടങ്ങി
• ചോദ്യങ്ങൾ ചോർത്തി അത് ‘പ്രവചനം’ ആക്കുന്നു: പിന്നിൽ വലിയ കച്ചവട തന്ത്രം 
• സ്കൂൾ പരീക്ഷ ചോദ്യപ്പേപ്പർ മുൻകൂട്ടി യുട്യൂബ് ചാനലിൽ: കുറ്റവാളികൾക്കെതിരെ കർശന നടപടിയെടുക്കും
• മന:പാഠം പഠിച്ചുമാത്രം സ്കൂ​ൾ പ​രീ​ക്ഷ എഴുതരുത്: വിദ്യാർത്ഥിയുടെ പഠ​ന മികവ്  പരിശോധിക്കണം 
• പരീക്ഷകളുടെ ചോദ്യങ്ങൾ മുൻകൂട്ടി സ്വകാര്യ ഓൺലൈൻ മാധ്യമങ്ങളിൽ: കർശന നടപടി വേണമെന്ന് അധ്യാപകർ