കുട്ടികളെ പഴയപടിയാക്കി കളിത്തോണി: മുബാറക് ഹയർ സെക്കണ്ടറി സ്കൂളിലെ വേനലവധിക്കാല ക്യാമ്പ് സമാപിച്ചു

JOIN OUR WHATS APP GROUP https://chat.whatsapp.com/BpeI9aAv1FR0J8PcNgpFyt

തലശ്ശേരി: കോവിഡിനെ തുടർന്നുണ്ടായ മാനസിക പിരിമുറുക്കങ്ങളിൽ നിന്ന് മോചനം നേടി പാട്ടും ചിരിയും കളിയുമായി ജീവിതത്തിലെ സന്തോഷ നിമിഷങ്ങൾ അവർ വീണ്ടും പങ്കുവെച്ചു. കോവിഡ് തീർത്ത നീണ്ട ഇടവേളയ്ക്ക് ശേഷം. തലശ്ശേരി മുബാറക് ഹയർ സെക്കണ്ടറി സ്കൂളിൽ നടപ്പിലാക്കി വരുന്ന സ്റ്റെപ്പ് പ്രൊജക്ടിൻ്റെ ഭാഗമായി നടന്ന \’കളിത്തോണി\’ വേനലവധിക്കാല ക്യാമ്പാണ് കുട്ടികളുടെ പ്രകടനംകൊണ്ട് ശ്രദ്ധേയമായത്.
നഷ്ടപ്പെട്ടുപോയ മാനവിക മൂല്യങ്ങളും ജൈവികതയും ജീവിത നൈപുണികളും തിരിച്ച്പിടിക്കാൻ കുട്ടികളെ പ്രേരിപ്പിക്കുന്നതായിരുന്നു ക്യാമ്പ്. മൂന്നു ദിവസങ്ങളിലായി നടന്ന ക്യാമ്പ് സമാപിച്ചു. സിറാജുദ്ദീൻ പറമ്പത്ത്, നസീബ ബഷീർ, സജീവൻ ചെമ്മരത്തൂർ, കെ എം അഷ്റഫ്, നസ്റുൽ ഇസ്ലാം എന്നിവർ വിവിധ സെഷനുകൾ കൈകാര്യം ചെയ്തു.

സമാപന സെഷൻ മുൻ നഗരസഭാ ചെയർമാൻ അഡ്വ. മുഹമ്മദ് സലീം ഉദ്ഘാടനം ചെയ്തു. വിദ്യാർത്ഥികൾ തയ്യാറാക്കിയ കൈയ്യെഴുത്ത് മാസിക തലശ്ശേരി സൗത്ത് ബി പി ഒ ശ്രീരഞ്ജ പി മാനേജർ സി ഹാരിസ് ഹാജിക്ക് നൽകി പ്രകാശനം ചെയ്തു. നാഷണൽ മീൻസ് കം മെറിറ്റ് സ്കോളർഷിപ്പ് ജേതാവ് ഫാതിമ ഷെസ്റീൻ റഫീഖിനെ ഹെഡ്മാസ്റ്റർ പി.കെ.റഫീഖ് ഉപഹാരം നൽകി ആദരിച്ചു. പ്രിൻസിപ്പാൾ ടി മുഹമ്മദ് സാജിദ്, മാനേജിംഗ് കമ്മിറ്റി പ്രസിഡണ്ട് എ കെ സകരിയ്യ, ബഷീർ ചെറിയാണ്ടി, പി ടി എ പ്രസിഡണ്ട് എ ടി മഹറൂഫ്, മിസ പ്രസിഡണ്ട് സാക്കിർ കാത്താണ്ടി, ക്യാമ്പ് ഡയറക്ടർ കെ പി അഷ്റഫ്, കോഡിനേറ്റർ റമീസ് പാറാൽ, കെ എം അഷ്റഫ്, കെ ടി പി ആയിഷ, വി ബദരിയ്യ, പി ഇസ്മായിൽ, പി എം അഷ്റഫ്, എൻ നിഷാദ്, നസീർ നെല്ലൂർ, പി കെ അബ്ദുൽ സമദ്, മിസ്ഹബ് ഷിബിൽ, മുഹമ്മദ് സിറാജുദ്ദീൻ, ഷംന ചന്ദ്രൻ, ടി പി അബ്ദുറഹ്മാൻ, പി മനാഫ്, ബിജു കബീർ, എന്നിവർ ക്യാമ്പിന് നേതൃത്വം നൽകി.

• എസ്എസ്എൽസി പരീക്ഷയുടെ മൂല്യ നിർണ്ണയതീയതി നീട്ടി ഉത്തരവിറങ്ങി
• സിബിഎസ്ഇ പത്താം ക്ലാസ്: മാർക്ക് മെച്ചപ്പെടുത്താനുള്ള രണ്ടാം പരീക്ഷയ്ക്ക് രജിസ്റ്റർ ചെയ്യാം
• ശാസ്ത്ര മാസികയ്ക്കും നൈപുണ്യ മേളയ്ക്കും പ്രത്യേകം ഗ്രേസ് മാർക്ക് അനുവദിച്ച് ഉത്തരവ്
• സെറ്റ് പരീക്ഷാഫലം:15.59 ശതമാനം വിജയം
• വിദ്യാർത്ഥികളുടെയും അധ്യാപകരുടെയും ശ്രദ്ധയ്ക്ക്: ഇന്നത്തെ പ്രധാന വിദ്യാഭ്യാസ വാർത്തകൾ