വിദ്യാർഥിനിക്കു നേരെ ആസിഡ് ആക്രമണം: 3 പേർ കസ്റ്റഡിയിൽ

 

തിരുവനന്തപുരം:ഡൽഹി സർവകലാശാലയിൽ ബിരുദ വിദ്യാർഥിനിക്കു നേരെ ഉണ്ടായ ആസിഡ് ആക്രമണത്തിലെ പ്രതികളായ 3 പേർ പിടിയിൽ. അശോക് വിഹാറിലെ ലക്ഷ്മി ബായി കോളജിലെ രണ്ടാം വർഷ ബിരുദ വിദ്യാർഥിനിക്ക് നേരെയാണ് ഇന്ന് അസിഡ് ആക്രമണമുണ്ടായത്. നേരത്തെ നടന്ന തർക്കവുമായി ബന്ധപ്പെട്ടുണ്ടായ വൈരാഗ്യമാണ് ആക്രമണത്തിന് കാരണമെന്ന് പറയുന്നു. പെൺകുട്ടി കോളജിലേക്ക് പോകുന്ന വഴിയായിരുന്നു ആക്രമണം. ബൈക്കിലെത്തിയ പ്രതികൾ മുഖത്തേക്ക് ആസിഡ് ഒഴിക്കുകയായിരുന്നു. അസിഡ് മുഖത്ത് വീഴാതിരിക്കാനായി പെൺകുട്ടി കൈ ഉപയോഗിച്ച് തടയുകയായിരുന്നു. ഇതോടെ ഇരു കൈകൾക്കും ഗുരുതരമായി പൊള്ളലേറ്റു. പെൺകുട്ടി ആശുപത്രിയിൽ ചികിത്സയിലാണ്. പ്രതികളിൽ ഒരാൾ പെൺകുട്ടിയുടെ അയൽവാസിയാണ്.