തിരുവനന്തപുരം: നാളെ ലോകപരിസ്ഥിതി ദിനം. സംസ്ഥാനത്ത് വിപുലമായ രീതിയിൽ പരിസ്ഥിതി ദിനം ആചരിക്കും. പരിസ്ഥിതി പ്രശ്നങ്ങളെ കുറിച്ചുള്ള അവബോധം വരുത്താനും കർമ്മ പരിപാടികൾ ആസൂത്രണം ചെയ്യാനുമാണ് ജൂൺ 5ന് പരിസ്ഥിതിദിനം ആചരിക്കുന്നത്. ഐക്യരാഷ്ട്രസഭ ജനറൽ അസംബ്ലിയാണ് 1974 മുതൽ ഈ ദിനാചരണം ആരംഭിച്ചത്. നാളെ സംസ്ഥാനത്തെ വിദ്യാലയങ്ങളിൽ തൈ നടൽ അടക്കമുള്ള വിവിധ പരിപാടികൾ നടക്കും. ലോകപരിസ്ഥിതി ദിനത്തിൽ സ്കൂളുകളിൽ ചൊല്ലേണ്ട പ്രതിജ്ഞ ഇതാ…
“ഞാൻ നമ്മുടെ ഭൂമിയെ സംരക്ഷിക്കും. ശുദ്ധമായ ജലവും വായുവും എന്റെ അവകാശമാണ്. ഇതിനായി, മരങ്ങൾ നട്ടുപിടിപ്പിക്കും. പ്ലാസ്റ്റിക് ഉപയോഗം പരമാവധി കുറയ്ക്കും. പ്ലാസ്റ്റിക് മാലിന്യം കത്തിക്കുന്നത് ക്യാൻസർ പോലുള്ള ഗുരുതര ആരോഗ്യപ്രശ്നങ്ങൾ ഉണ്ടാക്കുമെന്ന് എനിക്കറിയാം. പ്ലാസ്റ്റിക് മാലിന്യങ്ങൾ ഒരു കാരണവശാലും കത്തിക്കുകയില്ല, ഹരിത കർമ്മ സേനയ്ക്ക് കൈമാറും മാലിന്യം ചുറ്റുപാടും വലിച്ചെറിയില്ല. ശരിയായ വിധത്തിൽ സംസ്കരിക്കുകയും അതിനായി മറ്റുള്ളവരെ പ്രേരിപ്പിക്കുകയും ചെയ്യും. പ്രകൃതിയ്ക്ക് ദോഷമാകുന്ന ഒരു പ്രവൃത്തിയും എന്നിൽ നിന്നും ഉണ്ടാകില്ല എന്ന് പ്രതിജ്ഞ ചെയ്യുന്നു”.
പ്രതിജ്ഞ.. പ്രതിജ്ഞ.. പ്രതിജ്ഞ
