തിരുവനന്തപുരം:ഈ സർക്കാരിന്റെ കാലത്ത് സർക്കാർ, എയ്ഡഡ് മേഖലകളിലായി 43,637 നിയമനങ്ങൾ നടത്തിയെന്ന് മന്ത്രി വി.ശിവൻകുട്ടി. 2021മെയ് മുതൽ 2024 ഡിസംബർ വരെയുള്ള കണക്കുകളാണ് മന്ത്രി പുറത്തുവിട്ടത്. ഇതുവരെ എയിഡഡ് മേഖലയിൽ നടന്ന നിയമനാംഗീകാരങ്ങൾ ഇങ്ങനെ;
🌐ലോവർ പ്രൈമറി – 8555, അപ്പർ പ്രൈമറി – 7824, ഹൈസ്കൂൾ- 5931, സ്പെഷ്യലിസ്റ്റ് അധ്യാപകർ- 573, നോൺ ടീച്ചിങ് സ്റ്റാഫ്- 1872 ഇത്തരത്തിൽ ആകെ 24,755 നിയമനങ്ങളാണ് എയിഡഡ് മേഖലയിൽ നടന്നത്.
പി.എസ്.സി. മുഖേനയുള്ള നിയമനങ്ങൾ 🌐എൽ.പി.എസ്.റ്റി- 5620, യു.പി.എസ്.റ്റി- 4378, എച്ച്.എസ്.റ്റി – 3859, എച്ച്.എസ്.എസ്.റ്റി ജൂനിയർ-1606, എച്ച്.എസ്.എസ്.റ്റി. സീനിയർ -110, സ്പെഷ്യലിസ്റ്റ് അധ്യാപകർ-547, വി.എച്ച്.എസ്.സി-150, ഹയർ സെക്കണ്ടറി അനധ്യാപക നിയമനങ്ങൾ – 767, സെക്കണ്ടറിയിൽ നടന്നിട്ടുള്ള അനധ്യാപക നിയമനങ്ങൾ -1845 നിയമനങ്ങൾ. ഇത്തരത്തിൽ ആകെ 18,882 നിയമനങ്ങളാണ് ഇക്കാലയളവിൽ പി.എസ്.സി. മുഖേന നടത്തിയതെന്നും മന്ത്രി അറിയിച്ചു.
