എസ്എസ്എൽസി പരീക്ഷകൾക്ക് ഇന്ന് തുടക്കം: പരീക്ഷാഹാളിൽ 9.20ന് ഹാജരാകണം

SUBSCRIBE OUR YOUTUBE CHANNEL https://youtube.com/c/SchoolVartha
JOIN OUR WHATSAPP GROUP https://chat.whatsapp.com/LPdgjR7UuJU02aS9DYdOsL

തിരുവനന്തപുരം: ഈ വർഷത്തെ എസ്എസ്എൽസി പരീക്ഷകൾക്ക് ഇന്ന് തുടക്കം. പരീക്ഷയ്ക്കായി കുട്ടികൾ 9.20നകം ക്ലാസിൽ പ്രവേശിക്കണമെന്ന് പൊതുവിദ്യാഭ്യാസ വകുപ്പ് നിർദേശിച്ചു. 9.30മുതലാണ് പരീക്ഷ ആരംഭിക്കുക. ഉത്തരക്കടലാസിന്റെ ആദ്യ പേജിൽ
റജിസ്റ്റർ നമ്പർ ഉൾപ്പെടെ രേഖപ്പെടുത്തേണ്ടത് 9.20മുതലാണ്. 9.30നു ചോദ്യപ്പേപ്പർ വിതരണം ചെയ്യും. 15 മിനിറ്റ് കൂൾ ഓഫ് ടൈം അനുവദിക്കും. 9.45 മുതലാണു പരീക്ഷ എഴുതിത്തുടങ്ങേണ്ടത്. എന്നാൽ അടിയന്തര ആവശ്യങ്ങൾ കാരണം 10മണിവരെ വൈകി എത്തുന്നവരെ പരീക്ഷ യെഴുതാൻ അനുവദിക്കും. ഭിന്നശേഷിക്കാർക്കു മണിക്കൂറിന് 20 മിനിറ്റ് വീതം അധിക സമയം നൽകും. ഇന്നത്തെ പരീക്ഷ കഴിഞ്ഞാൽ
തിങ്കളാഴ്ച മുതലാണ്
പരീക്ഷ പുന:രാരംഭിക്കുക.

4,19,362 റഗുലർ വിദ്യാർത്ഥികളും 192 പ്രൈവറ്റ് വിദ്യാർത്ഥികളുമാണ് പരീക്ഷ എഴുതുന്നത്. ഇതിൽ 2,13,801 പേർ ആൺകുട്ടികളും 2,05,561പേർ പെൺകുട്ടികളുമാണ്.
സർക്കാർ മേഖലയിൽ 1,170 സെന്ററുകളും
എയിഡഡ് മേഖലയിൽ 1,421 സെന്ററുകളും അൺ എയിഡഡ് മേഖലയിൽ 369 സെന്ററുകളും അടക്കം മൊത്തം 2,960 പരീക്ഷാ സെന്ററുകളാണ് സജ്ജീകരിച്ചിരിക്കുന്നത്. ഗൾഫ് മേഖലയിൽ 518 വിദ്യാർത്ഥികളും ലക്ഷദ്വീപിൽ 9 സ്കൂളുകളിലായി 289 വിദ്യാർത്ഥികളും ഈ വർഷം പരീക്ഷ എഴുതുന്നുണ്ട്.