സംസ്ഥാന സ്കൂൾ കലോത്സവം: വേദികളുടെ നിർമാണം ആരംഭിച്ചു

SUBSCRIBE OUR YOUTUBE CHANNEL https://youtube.com/c/SchoolVartha
JOIN OUR WHATSAPP GROUP  https://chat.whatsapp.com/DJyDol6Ntu898w1sWLREHb

കോഴിക്കോട്: ഈ വർഷത്തെ സംസ്ഥാന സ്കൂൾ കലോത്സവത്തിന്റെ വേദികളുടെ നിർമാണത്തിന് തുടക്കമായി. കലോത്സവ വേദികളുടെ കാൽ നാട്ടൽ കർമ്മം സ്വാഗതസംഘം ചെയർമാൻ കൂടിയായ മന്ത്രി പി.എ.മുഹമ്മദ്‌റിയാസ് നിർവഹിച്ചു. പ്രധാന വേദിയുടെ പന്തലിന്റെ കാൽ നാട്ടൽ ചടങ്ങാണ് മന്ത്രി നിർവഹിച്ചത്.
സ്വാഗതസംഘം വർക്കിങ് ചെയർമാൻ തോട്ടത്തിൽ രവീന്ദ്രൻ എം.എൽ.എ, സ്റ്റേജ് – പന്തൽ കമ്മിറ്റി ചെയർമാൻ ഡോ എം കെ മുനീർ എം.എൽ.എ വിവിധ വകുപ്പ് ഉദ്യോഗസ്ഥരും മറ്റു ജനപ്രതിനിധികളും പങ്കെടുത്തു. ജനുവരി 3 മുതൽ 7വരെയാണ് കോഴിക്കോട് 24 വേദികളിലായി സംസ്ഥാന സ്കൂൾ കലോത്സവം നടക്കുന്നത്.