SUBSCRIBE OUR YOUTUBE CHANNEL https://youtube.com/c/SchoolVartha

SUBSCRIBE OUR YOUTUBE CHANNEL https://youtube.com/c/SchoolVartha

തിരുവനന്തപുരം: ഇന്ത്യയുടെ എഴുപത്തിയഞ്ചാം സ്വാതന്ത്ര്യ ദിനാഘോഷവുമായി ബന്ധപ്പെട്ട് നടത്തുന്ന ‘ഹർ ഘർ തിരംഗയുടെ’ ഭാഗമായി ദേശീയ പതാക കൈമാറാനെത്തിയ കളക്ടർ കുട്ടികളിലൊരാളായി മാറിയപ്പോൾ സദസിൽ നിറഞ്ഞത് കരഘോഷം തിരുവനന്തപുരം ജില്ലാകളക്ടർ ജെറോമിക്

ജോർജാണ് കുട്ടികളെ കയ്യിലെടുത്ത് താരമായത്. ശ്രീചിത്രാ ഹോമിലെയും കട്ടേല ഡോ. അംബേദ്കർ മോഡൽ റസിഡൻഷ്യൽ സ്‌കൂളിലെ വിദ്യാർത്ഥികൾക്കും ദേശീയ പതാകകൾ കൈമാറുന്നതായിരുന്നു ചടങ്ങ്. കുട്ടികൾ പതാക നേരിട്ട് ഏറ്റു വാങ്ങാനായി വേദിയിലെത്തി. വേദിയിൽ മുട്ട് കുത്തി നിന്ന് കുഞ്ഞുങ്ങളോളം താഴ്ന്നാണ് കളക്ടർ പതാകകൾ സമ്മാനിച്ചത്. കുനിഞ്ഞ്

കൈമാറാമായിരുന്നു എന്നിരിക്കെയാണ് ഔദ്യോഗിക പരിവേഷം മാറ്റി വെച്ച് കളക്ടർ മുട്ട് കുത്തി നിന്ന് കുഞ്ഞുങ്ങളോളം താഴ്ന്നത്. വേദിയിലെ അതിഥികളും വിദ്യാർത്ഥികളും അതോടെ കയ്യടികളുയർത്തി. ചിത്രങ്ങൾ കളക്ടർ ഫെയ്സ് ബുക്കിൽ പങ്ക് വെച്ചതോടെ സോഷ്യൽ മീഡിയയിലും കയ്യടിയാണ്. എ. ഡി.എം അനിൽ ജോസ്, ശ്രീചിത്രാ ഹോം സൂപ്രണ്ട് ബിന്ദു, മോഡൽ റസിഡൻഷ്യൽ സ്‌കൂൾ പ്രിൻസിപ്പാൾ ശ്രീജ, ഹെഡ്മാസ്റ്റർ

സതീഷ്, സീനിയർ സൂപ്രണ്ട് ഷിനു, മറ്റ് അധ്യാപകർ, ജീവനക്കാർ തുടങ്ങിയവർ പരിപാടിയിൽ സംബന്ധിച്ചു.

• സംസ്ഥാന സ്കൂൾ കലോത്സവം: മത്സരത്തിനുള്ള 24 വേദികളുടെ വിശദവിവരങ്ങൾ
• കോഴിക്കോട് കേളികൊട്ടുയരാൻ ഇനി 26ദിനങ്ങൾ: സംസ്ഥാന സ്‌കൂൾ കലോത്സവത്തിന്റെ ലോഗോ പുറത്തിറങ്ങി
• ലിറ്റിൽ കൈറ്റ്സ് യൂണിറ്റുകളിൽ റോബോട്ടിക്സ് ലാബുകൾ: കിറ്റ് വിതരണം ഇന്നുമുതൽ
• C-DOT പ്രോജക്ട് എന്‍ജിനീയര്‍: പ്രതിമാസം ഒരു ലക്ഷം രൂപ ശമ്പളം
• ഓഡിയോളജി, സ്പീച്ച് ലാംഗ്വേജ് പത്തോളജി പിജി കോഴ്സുകൾ