JOIN OUR WHATSAPP GROUP https://chat.whatsapp.com/DWYZgC3xISkCKoxold7q7S
സ്വന്തം ലേഖകന്‍
തൃശ്ശൂര്‍: എസ്.സി, എസ്.റ്റി, ഒ.ബി.സി, പി.എച്ച്. വിഭാഗങ്ങള്‍ക്ക് അധ്യാപക യോഗ്യതാപരീക്ഷകളില്‍ 5% മാര്‍ക്കിളവ് അനുവദിച്ച തീരുമാനത്തിന് കെ ടെറ്റ് പരീക്ഷ നിലവില്‍ വന്നത് മുതലുള്ള പ്രാബല്യം നല്‍കി സര്‍ക്കാര്‍ ഉത്തരവ്. അധ്യാപകരുടെ ഏറെ കാലമായുളള ആവശ്യമാണ് അംഗീകരിക്കപ്പെട്ടിരിക്കുന്നത്. 2014ലാണ് സംസ്ഥാനത്ത് സര്‍ക്കാര്‍,
![\"\"](\"https://schoolvartha.com/wp-content/uploads/2022/06/IMG-20220514-WA0025-1024x820.jpg\")
എയ്ഡഡ് സ്‌കൂളുകളിലെ അധ്യാപക നിയമനങ്ങള്‍ക്കുള്ള കെ ടെറ്റ് പരീക്ഷയില്‍ എസ്.സി, എസ്.റ്റി, ഒ.ബി.സി, പി.എച്ച്. വിഭാഗങ്ങള്‍ക്ക് 5% മാര്‍ക്കിളവ് അനുവദിച്ച് ഉത്തരവിട്ടത്. മാര്‍ക്കിളവിന് കെ-ടെറ്റ് പരീക്ഷ നിലവില്‍ വന്ന അന്നു മുതല്‍ മുന്‍കാല പ്രാബല്യം നല്‍കണമെന്ന് അന്നുതന്നെ ആവശ്യമുയര്‍ന്നിരുന്നു. കെ ടെറ്റ് സര്‍ട്ടിഫിക്കറ്റിന്റെ കാലാവധി ആജീവനാന്തമാക്കിയതോടെ അധ്യാപക സംഘടനകളെല്ലാം ഈ ആവശ്യം ശക്തമാക്കി. തുടര്‍ന്ന് കഴിഞ്ഞ വര്‍ഷം എസ്.സി.ഇ.ആര്‍.ടി ഡയറക്ടറോട് സര്‍ക്കാര്‍ റിപ്പോര്‍ട്ട് തേടി. മാര്‍ക്കിളവിനും സര്‍ട്ടിഫിക്കറ്റ് കാലാവധിയുടെ പരിഗണന നല്‍കാവുന്നതാണെന്ന്
![\"\"](\"https://schoolvartha.com/wp-content/uploads/2022/06/WhatsApp-Image-2022-06-20-at-12.19.49-AM.jpeg\")
എസ്.സി.ഇ.ആര്‍.ടി സര്‍ക്കാരിനെ അറിയിച്ചു. ഇതോടെയാണ് സര്‍ക്കാര്‍ മാര്‍ക്കിളവിനും കെ ടെറ്റ് തുടങ്ങിയത് മുതലുള്ള പ്രാബല്യം നല്‍കാന്‍ തീരുമാനിച്ചത്. പ്രിന്‍സിപ്പല്‍ സെക്രട്ടറി എ.പി.എം മുഹമ്മദ് ഹനീഷാണ് ഇതുസംബന്ധിച്ച ഉത്തരവ് പുറപ്പെടുവിച്ചത്.
