സംസ്ഥാനത്തെ സ്കൂളുകളിൽ വെള്ളിയാഴ്ചകളിൽ \’ഡ്രൈ ഡേ\’: കർശനമായി നടപ്പാക്കണമെന്ന് മന്ത്രി

JOIN OUR WHATSAPP GROUP https://chat.whatsapp.com/Fub3n2XSsER2apt6xrU51O

തിരുവനന്തപുരം: വിദ്യാർത്ഥികളുടെ ആരോഗ്യ സുരക്ഷ കണക്കിലെടുത്ത് സംസ്ഥാനത്തെ സ്കൂളുകളിൽ എല്ലാ വെള്ളിയാഴ്ചകളിലും \’ഡ്രൈ ഡേ\’ ആചരിക്കാൻ മന്ത്രി വി. ശിവൻകുട്ടിയുടെ നിർദേശം. സ്കൂൾ പരിസരത്ത് കെട്ടികിടക്കുന്ന വെള്ളം, ചെളി, നനവുള്ള മറ്റു വസ്തുക്കൾ എന്നിവ ശുചീകരിക്കാനാണ് നിർദേശം. ഇതിന്റെ ഭാഗമായി വെള്ളിയാഴ്ചകളിൽ ഒരു മണിക്കൂർ ശുചീകരണം നടത്തണം. ഇതിനുള്ള നിർദേശം നാളെ പുറത്തിറക്കും.

സ്കൂളുകളിലെ ഉച്ചഭക്ഷണ പദ്ധതി : വിവിധ വകുപ്പുകൾ ചേർന്ന് സ്കൂളുകളിൽ പരിശോധന നടത്തും

തിരുവനന്തപുരം: സ്കൂളുകളിൽ ഭക്ഷ്യവിഷബാധയുണ്ടായ സാഹചര്യത്തിൽ വിവിധ വകുപ്പുകൾ ചേർന്ന് സ്കൂളുകളിൽ പരിശോധന നടത്തുമെന്ന് മന്ത്രി വി. ശിവൻകുട്ടി. വിദ്യാഭ്യാസവകുപ്പ്, ആരോഗ്യവകുപ്പ്, ഭക്ഷ്യസുരക്ഷ, സിവിൽ സപ്ലൈസ് തുടങ്ങിയ ഉദ്യോഗസ്ഥരുടെ നേതൃത്വത്തിലാണ് പരിശോധന നടക്കുക.

ഉച്ചഭക്ഷണ പദ്ധതിയുമായി ബന്ധപ്പെട്ട് നിലവിലെ സാഹചര്യങ്ങൾ വിലയിരുത്താൻ മന്ത്രി വി.ശിവൻകുട്ടി, ഭക്ഷ്യ സിവിൽ സപ്ലൈസ് വകുപ്പ് മന്ത്രി ജി.ആർ.അനിൽ എന്നിവരുടെ നേതൃത്വത്തിൽ തിരുവനന്തപുരത്ത് ചേർന്ന ഉന്നതതല യോഗത്തിനു ശേഷം മാധ്യമ പ്രവർത്തകരോട് സംസാരിക്കുകയായിരുന്നു മന്ത്രി. ഭക്ഷണം കഴിച്ച ശേഷം കുട്ടികൾക്ക് ഉണ്ടായ ശാരീരിക അസ്വാസ്ഥ്യങ്ങൾ ജാഗ്രതയോടെയാണ് സർക്കാർ കാണുന്നത്. ഇതിന്റെ ഭാഗമായി മേല്പറഞ്ഞ വകുപ്പുകൾ ചേർന്ന് പ്രത്യേക പരിശോധന നടത്തും.

വെള്ളിയാഴ്ചകൾ കൊതുകിന്റെ ഉറവിട നശീകരണ ദിനമായി ആചരിക്കും. വിദ്യാർഥികൾക്ക് ശുചിത്വ ബോധവൽക്കരണം നൽകും. പാചക തൊഴിലാളികൾക്ക് ഫുഡ് സേഫ്റ്റി വകുപ്പിന്റെ ശുചിത്വ പരിശീലനം നൽകും. ജില്ലകളിലെ ന്യൂൺഫീഡിങ് സൂപ്പർവൈസർമാരും ഉപജില്ലാ തലങ്ങളിലെ ന്യൂൺമീൽ ഓഫീസർമാരും സ്‌കൂളുകളിൽ എത്തി നാളെമുതൽ ഉച്ചഭക്ഷണ പാചകപ്പുര, പാത്രങ്ങൾ,വാട്ടർടാങ്ക്,, ടോയ്‌ലറ്റുകൾ,ഉച്ച ഭക്ഷണ സാമഗ്രികൾ തുടങ്ങിയവ പരിശോധിക്കും. ഒരാഴ്ചയ്ക്കുള്ളിൽ സംസ്ഥാനത്തെ മുഴുവൻ സ്കൂളുകളിലെയും കുടിവെള്ള പരിശോധന വാട്ടർ അതോറിറ്റിയുമായും മറ്റു വകുപ്പുകളുമായും ചേർന്ന് നടത്തും.