നാഷണൽ ഇൻസ്റ്റിറ്റ്യൂട്ട് ഓഫ് എജ്യുക്കേഷണൽ പ്ലാനിങ് ആൻഡ് അഡ്മിനിസ്ട്രേഷനിൽ പി.എച്ച്ഡി./ഇന്റഗ്രേറ്റഡ് എം.ഫിൽ-പി.എച്ച്ഡി. പ്രവേശനം

JOIN OUR WHATS APP GROUP https://chat.whatsapp.com/BgCqemi9LED6IajnbZJh7s

ന്യൂഡൽഹി: നാഷണൽ ഇൻസ്റ്റിറ്റ്യൂട്ട് ഓഫ് എജ്യുക്കേഷണൽ പ്ലാനിങ് ആൻഡ് അഡ്മിനിസ്ട്രേഷനിൽ (എൻ.ഐ.ഇ.പി.എ.) എജ്യുക്കേഷണൽ പോളിസി, പ്ലാനിങ് ആൻഡ് അഡ്മിനിസ്‌ട്രേഷൻ മേഖലകളിലെ പി.എച്ച്ഡി. (ഫുൾ ടൈം/പാർട്ട്‌ ടൈം), ഇന്റഗ്രേറ്റഡ് എം.ഫിൽ-പി.എച്ച്ഡി. എന്നിവയുടെ പ്രവേശനത്തിനായി ഇപ്പോൾ അപേക്ഷിക്കാം. പിഎച്ച്.ഡി. (ഫുൾ ടൈം), ഇന്റഗ്രേറ്റഡ് എം.ഫിൽ-പിഎച്ച്.ഡി. എന്നിവയിൽ പ്രവേശനം നേടുന്നവർക്ക് എൻ.ഐ.ഇ.പി.എ. ഫെലോഷിപ്പിന് അർഹതയുണ്ട്.

യോഗ്യത: 55 ശതമാനം മാർക്കോടെ (പട്ടിക/ഒ.ബി.സി./ഭിന്നശേഷി വിഭാഗക്കാർക്ക് 50 ശതമാനം)/തത്തുല്യ ഗ്രേഡോടെ, സോഷ്യൽ സയൻസസ്/അനുബന്ധ വിഷയത്തിൽ മാസ്റ്റേഴ്‌സ് ബിരുദം വേണം. മറ്റു മേഖലകളിൽ മാസ്റ്റേഴ്സ് ബിരുദമുള്ള, അധ്യാപന പരിചയമോ, എജ്യുക്കേഷണൽ പോളിസി, പ്ലാനിങ് ആൻഡ് അഡ്മിനിസ്‌ട്രേഷൻ മേഖലയിലെ പ്രവൃത്തിപരിചയമോ ഉള്ളവരെ പരിഗണിക്കും. യു.ജി.സി.-ജെ.ആർ.എഫ്. ഉള്ളവർക്ക് മുൻഗണനയുണ്ട്. യോഗ്യതാപരീക്ഷ അന്തിമഫലം കാത്തിരിക്കുന്നവർക്കും അപേക്ഷിക്കാം. എൻ.ഐ.ഇ.പി.എ.യിൽനിന്ന്‌ എം.ഫിൽ ബിരുദമുള്ളവർ, ഉയർന്നനിലവാരമുള്ള പ്രസിദ്ധീകരണങ്ങളുള്ള സോഷ്യൽ സയൻസസ്/അനുബന്ധ മേഖലയിൽ എം.ഫിൽ ഉള്ളവർ എന്നിവരെയും ഫുൾ-ടൈം പിഎച്ച്.ഡി. പ്രവേശനത്തിന് പരിഗണിക്കും. പാർട്ട്‌ ടൈം പി.എച്ച്ഡി.പ്രവേശനത്തിന്, എജ്യുക്കേഷണൽ പോളിസി, പ്ലാനിങ്‌ ആൻഡ് അഡ്മിനിസ്‌ട്രേഷൻ മേഖലയിലോ ടീച്ചിങ്/റിസർച്ച് മേഖലയിലോ കുറഞ്ഞത് അഞ്ചു വർഷത്തെ പ്രവൃത്തിപരിചയമുള്ള ഒരു സീനിയർ ലവൽ വിദ്യാഭ്യാസ ഉദ്യോഗസ്ഥനായിരിക്കണം.

• എസ്എസ്എൽസി സർട്ടിഫിക്കറ്റിലെ പേര് ഇനിമുതൽ മാറ്റാം: കേരള വിദ്യാഭ്യാസചട്ടം ഭേദഗതി ചെയ്തു
• ഡിഫാം പാർട്ട് II ഇആർപരീക്ഷാ ഫലം, നഴ്സിങ് അർഹത നിർണയ പരീക്ഷ
• കൗൺസിലിങ് മാനദണ്ഡങ്ങൾ പാലിച്ചില്ല: കേരളത്തിലെ 2 ഹോമിയോ കോളജുകളിലെ അഡ്മിഷൻ റദ്ധാക്കി
• സിയുഇടി-യുജിയിൽ ഈ വർഷം 37 വിഷയങ്ങൾ: പരീക്ഷാസമയവും നിജപ്പെടുത്തി
• ‘ഉദ്യമ 1.0’ ഉന്നതവിദ്യാഭ്യാസ കോൺക്ലേവ് 7മുതൽ 10 വരെ തിരുവനന്തപുരത്ത്

അപേക്ഷിക്കേണ്ട വിധം: https://niepa.ac.in ൽ ഉള്ള എം.ഫിൽ-പിഎച്ച്.ഡി.> അഡ്മിഷൻ ലിങ്കിലെ ഗൂഗിൾ ഫോം വഴി അപേക്ഷിക്കാം. അപേക്ഷാ പ്രിന്റ് ഔട്ടും അനുബന്ധ രേഖകളും 2022 മേയ് 16-നകം സ്ഥാപനത്തിൽ ലഭിക്കണം. പ്രോസ്പെക്ടസും ഈ ലിങ്കിൽ കിട്ടും.