JOIN OUR WHATS APP GROUP https://chat.whatsapp.com/FyyfPtfe7UH0SaSpt5RgS
ന്യൂഡല്ഹി:കായംകുളം നാഷണല് തെര്മല് പവര് കോര്പറേഷന് (എന്.ടി.പി.സി) ക്യാമ്പസിലെ കേന്ദ്രീയ വിദ്യാലയത്തില് ഒന്നാം ക്ലാസിൽ വിദ്യാര്ത്ഥികള്ക്ക് പ്രവേശനം നല്കണമെന്ന കേരള ഹൈക്കോടതി വിധിക്ക് സുപ്രീംകോടതിയുടെ സ്റ്റേ. എന്.ടി.പി.സി നല്കിയ ഹര്ജിയിലാണ് സുപ്രീംകോടതി നടപടി. സ്കൂള് പൂട്ടുന്നതിനെതിരെ ഹൈക്കോടതിയെ സമീപിച്ച കോണ്ഗ്രസ് നേതാവ് രമേശ് ചെന്നിത്തല, കേന്ദ്ര സംസ്ഥാന സര്ക്കാരുകള്, കേന്ദ്രീയ വിദ്യാലയ അധികൃതര് എന്നിവര്ക്ക് സുപ്രീം കോടതി നോട്ടീസ് അയച്ചു.
ഈ അധ്യയന വര്ഷം മുതല് കായംകുളം ക്യാമ്പസിലെ കേന്ദ്രീയ വിദ്യാലയം അടച്ചുപൂട്ടാന്
എന്.ടി.പി.സി തീരുമാനിച്ചിരുന്നു. ഇതിന്റെ അടിസ്ഥാനത്തില് പുതിയ അധ്യയന
വര്ഷത്തില് ഒന്നാം ക്ളാസ് പ്രവേശനം നടത്തേണ്ടെന്നും നിലവില് പഠിക്കുന്ന വിദ്യാര്ത്ഥികളെ മറ്റ് സ്്കൂളുകളിലേക്ക് മാറ്റാനും തീരുമാനിച്ചിരുന്നു. ഈ തീരുമാനത്തിനെതിരെ രമേശ് ചെന്നിത്തല ഹൈക്കോടതിയെ സമീപിക്കുകയും കോടതി സ്റ്റേ അനുവദിക്കുകയും ചെയ്തിരുന്നു. ഇതിനെതിരെയാണ് എന്.ടി.പി.സി സുപ്രീം കോടതിയെ സമീപിച്ചത്.