തിരുവനന്തപുരം: പരീക്ഷകള്‍ക്ക് ശേഷം വിദ്യാഭ്യാസവകുപ്പും ആരോഗ്യ വകുപ്പും ചേര്‍ന്ന് കുട്ടികള്‍ക്കായി പ്രത്യേക വാക്സിനേഷന് യജ്ഞം നടത്തുമെന്ന് ആരോഗ്യമന്ത്രി വീണ ജോര്‍ജ്. സംസ്ഥാനത്ത് കുട്ടികളുടെ പരീക്ഷാ സമയമായതിനാന്‍ കുട്ടികളുടെ വാക്സിനേഷന് വേണ്ടത്ര വേഗതയുണ്ടായിട്ടില്ലെന്ന് മന്ത്രി വ്യക്തമാക്കി. ഇക്കാര്യം ആരോഗ്യ വകുപ്പും വിദ്യാഭ്യാസ വകുപ്പും വാക്സിനേഷന് തുടങ്ങിയപ്പോള്‍ തന്നെ ചൂണ്ടിക്കാണിച്ചിരുന്നതാണ്.
![\"\"](\"https://schoolvartha.com/wp-content/uploads/2022/04/SandOne-Madhyamam-Ad-20x16cm-816x1024.jpg\")
കുട്ടികളുടെ വാക്സിനേഷന് പാളി എന്ന തരത്തിലുള്ള വാര്‍ത്ത തെറ്റാണെന്ന് മന്ത്രി പറഞ്ഞു. മൂന്നാഴ്ചയായിട്ടും 12 മുതല്‍ 14 വയസുവരെ പ്രായമുള്ള 751 പേര്‍ക്കു മാത്രമാണ് വാക്‌സിന്‍ നല്‍കിയതെന്നാണ് വാര്‍ത്തയില്‍ പറയുന്നത്. ഇത് അടിസ്ഥാനരഹിതമാണ്. കേന്ദ്ര സര്‍ക്കാരിന്റെ കോവിന്‍ പോര്‍ട്ടല്‍ വഴിയാണ് വാക്സിനേഷന് നടത്തുന്നത്. പോര്‍ട്ടല്‍ പരിശോധിച്ചാല്‍ കണക്കുകള്‍ ബോധ്യമാകും. ആരോഗ്യ വകുപ്പിന്റെ വെബ് സൈറ്റില്‍ വാക്സിനേഷന് ബുള്ളറ്റിന്‍ പ്രസിദ്ധീകരിക്കുന്നുമുണ്ട്. 12 മുതല്‍ 14 വയസുവരെ പ്രായമുള്ള 57,025 പേര്‍ക്ക് ഇതുവര വാക്‌സിന്‍ നല്‍കിയെന്നും മന്ത്രി വ്യക്തമാക്കി.
