JOIN OUR WHATSAPP GROUP https://chat.whatsapp.com/IxYkPD1c5k1GDxsfvDfvKs
തിരുവനന്തപുരം: സംസ്ഥാനത്ത് പ്രതിദിന കൊവിഡ്, ഒമിക്രോൺ ബാധിതരുടെ എണ്ണം ഉയരുന്നതിനാൽ സ്കൂളുകളുടെ പ്രവർത്തനത്തിൽ നിയന്ത്രണം ഉണ്ടാകുമോ എന്ന് ഇന്നറിയാം. മുഖ്യമന്ത്രിയുടെ അധ്യക്ഷതയിൽ ഇന്ന് ചേരുന്ന അവലോകന യോഗത്തിൽ ഇത് സംബന്ധിച്ച തീരുമാനം ഉണ്ടായേക്കും. അവലോകന യോഗത്തിൽ വിദ്യാഭ്യാസ മന്ത്രി വി. ശിവൻകുട്ടിയും പങ്കെടുക്കുന്നുണ്ട്. സംസ്ഥാനത്ത് പ്രതിദിന കൊവിഡ് രോഗികൾ ഉയരുന്നത് ആശങ്കകിടയാക്കുന്നുണ്ട്. സ്കൂളുകളിൽ നേരിട്ടെത്തുന്ന കുട്ടികളുടെ എണ്ണത്തിൽ നിയന്ത്രണം കൊണ്ടുവരുന്നതിനെ കുറിച്ചോ സുരക്ഷാ ക്രമീകരണങ്ങൾ വർധിപ്പിക്കുന്നതിനെ കുറിച്ചോ തീരുമാനം ഉണ്ടായേക്കും. ഒമിക്രോൺ വ്യാപനം അപകടകരമായ സാഹചര്യത്തിലേക്ക് നീങ്ങിയാൽ സ്കൂൾ പ്രവർത്തനത്തെ സംബന്ധിച്ച് ആവശ്യമായ തീരുമാനം ഉണ്ടാകുമെന്ന് കഴിഞ്ഞ ദിവസം മന്ത്രി വി. ശിവൻകുട്ടി ചൂണ്ടിക്കട്ടിയിരുന്നു.