സ്കൂൾ പരിപാടികളിൽ ഇനിമുതൽ വിദ്യാർത്ഥികളെ അണിനിരത്താൻ പാടില്ല: വി.ശിവൻകുട്ടി

JOIN OUR WHATSAPP GROUP https://chat.whatsapp.com/BCOwaLGheC02b6xzMmfnRT

തിരുവനന്തപുരം: വിദ്യാലയങ്ങളിൽ നടക്കുന്ന പരിപാടികളിലും മറ്റും ഇനിമുതൽ വിദ്യാർത്ഥികളെ അണിനിരത്തരുതെന്ന് മന്ത്രി വി.ശിവൻകുട്ടി. കെഎസ്ടിഎ തിരുവനന്തപുരം ജില്ലാ വാർഷിക സമ്മേളനം ഉദ്ഘാടനം ചെയ്യുകയായിരുന്നു മന്ത്രി.പല സ്ഥലങ്ങളിലും ചടങ്ങുകൾക്ക് ചെല്ലുമ്പോൾ കുട്ടികളെ താലപ്പൊലിയുമായി കൊണ്ട് നിർത്തുന്നത് കാണാം. ഇനി മുതൽ അത്തരത്തിൽ ഒരു പരിപാടികളും വിദ്യാർത്ഥികളെ അണിനിരത്തി സംഘടിപ്പിക്കാൻ പാടില്ലെന്നും മന്ത്രി മുന്നറിയിപ്പ് നൽകി. ക്ലാസ് സമയങ്ങളിൽ ഒരു വിദ്യാർത്ഥിയെപോലും മറ്റു പരിപാടികളിൽ പങ്കെടുപ്പിക്കാൻ പാടില്ലെന്ന് നേരത്തെ നിർദേശം നൽകിയിട്ടുണ്ടെന്നും മന്ത്രി പറഞ്ഞു.

കോവിഡ്, മിക്രോൺ സാഹചര്യത്തിൽ സ്‌കൂളുകളിൽ കുട്ടികളുടെ ആരോഗ്യ സുരക്ഷ ഒരുക്കുന്നതിൽ അധ്യാപകർക്ക് വലിയ പങ്കുണ്ട്. ഈ മേഖലയിലെ നിർണായക സ്വാധീനം ഉള്ള സംഘടന എന്ന നിലയിൽ കെഎസ്ടിഎ തുടർന്നും മികച്ച പ്രവർത്തനം തുടരുമെന്ന് പ്രതീക്ഷിക്കുന്നതായും മന്ത്രി പറഞ്ഞു. വിദ്യാഭ്യാസ മേഖലയിൽ ഇനിയുണ്ടാകുന്ന പരിഷ്കരണങ്ങളിൽ സർക്കാരിനൊപ്പം അധ്യാപക സംഘടനകൾ ഉണ്ടാകണം. വിദ്യാർത്ഥികൾക്ക് മികച്ച വിദ്യാഭ്യാസം നൽകുക എന്നതാണ് പരമ പ്രധാനമെന്നും മന്ത്രി ചൂണ്ടിക്കാട്ടി.