തിരുവനന്തപുരം: സ്റ്റാഫ് നഴ്സ് ഉള്പ്പെടെയുള്ള 28 തസ്തികകളിലേക്ക് പിഎസ്.സി നിയമനത്തിനായി ഇപ്പോൾ അപേക്ഷിക്കാം. ഓഗസ്റ്റ് 18വരെ ഓൺലൈനായി അപേക്ഷ സമർപ്പിക്കാം.
സ്റ്റാഫ് നഴ്സ് ഗ്രേഡ് 11ന് 39,300-83,000 രൂപയാണ് ശമ്പള സ്കയിൽ. പ്രായപരിധി 20നും 36നും ഇടയിൽ. സയൻസ് വിഷയങ്ങളിൽ പ്ലസ്ടു/ പ്രീഡിഗ്രി/ വി.എച്ച്.എസ്.ഇ. കോഴ്സ് വിജയിച്ചിരിക്കണം/ ഒരു അംഗീകൃത സർവകലാശാലയിൽനിന്ന് ഡൊമസ്റ്റിക് നഴ്സിങ്ങിൽ വി.എച്ച്.എസ്.ഇ. അല്ലെങ്കിൽ തത്തുല്യ യോഗ്യത വേണം.
അല്ലെങ്കിൽ ബി.എസ്.സി. നഴ്സിങ് വിജയിച്ചിരിക്കണം. അല്ലെങ്കിൽ ഒരു ഗവൺമെന്റ് അംഗീകൃത സ്ഥാപനത്തിൽ നിന്ന് ജനറൽ നഴ്സിങ്ങിലും മിഡ്വൈഫറിയിലും മൂന്നുവർഷത്തിൽ കുറയാതെയുള്ള കോഴ്സ് പാസാകണം. കേരള നഴ്സസ് ആൻഡ് മിഡ്വൈഫ്സ് കൗൺസിലിൽ സ്ത്രീകൾ നഴ്സ് ആൻഡ് മിഡ്വൈഫ് ആയും പുരുഷന്മാർ നഴ്സായും രജിസ്റ്റർചെയ്തിരിക്കണം.
ഈ യോഗ്യതകൾ ഉള്ളവർക്ക് സ്റ്റാഫ് നഴ്സ് തസ്തികകളിലേക്ക് അപേക്ഷിക്കാം.
മറ്റുള്ള ഒഴിവുകളും മറ്റുവിവരങ്ങളും അറിയാൻ www.keralapsc.gov.in സന്ദർശിക്കുക.