editorial@schoolvartha.com | markeiting@schoolvartha.com
വിദ്യഭ്യാസ വാർത്തകൾ
Google Play School Vartha
പ്രധാന വാർത്തകൾ
ഡ​ൽ​ഹി പൊ​ലീ​സിൽ ഹെഡ് കോൺസ്റ്റബിൾ നിയമനം: അപേക്ഷ ക്ഷണിച്ച് എസ്.എസ്.സി.ഗ്രൂപ്പ്‌ ബി തസ്തികകളിൽ 90 ഒഴിവ്: അപേക്ഷ ക്ഷണിച്ച് ബിഎസ്എഫ്ആർസിസിയിൽ അപ്രന്റിസ് ട്രെയിനിങ് പ്രോഗ്രാം: ജൂൺ 7 വരെ അപേക്ഷിക്കാംബി.ടെക് ഈവനിങ് കോഴ്‌സ് പ്രവേശനം: ജൂൺ 13 വരെ അപേക്ഷിക്കാംവിവിധ കോളേജുകളിലായുള്ള ഗസ്റ്റ് ലക്ചറർ ഒഴിവുകൾ അറിയാംമലബാർ ഡെന്റൽ കോളേജ് ആൻഡ് റിസർച്ച് സെന്റർ ജേതാക്കളായിഎംജി- കണ്ണൂർ സർവകലാശാലകൾ സംയുക്തമായി പിജി കോഴ്സുകൾ നടത്തും: ഇതിനായി പ്രത്യേക സിലബസും അക്കാദമിക് കലണ്ടറുംഓൺലൈൻ സേവനങ്ങളിൽ തടസ്സം, ടെക്നിക്കൽ അസിസ്റ്റന്റ് നിയമനം: ഇന്നത്തെ കണ്ണൂർ സർവകലാശാല വാർത്തകൾCUET വർഷത്തിൽ രണ്ടു തവണയാക്കാൻ തീരുമാനം: CUET യുജിക്ക് രജിസ്റ്റർ ചെയ്തത് 11.5 ലക്ഷം പേർനാളത്തെ പരീക്ഷ മാറ്റി, മറ്റുപരീക്ഷാ വിവരങ്ങൾ: ഇന്നത്തെ കാലിക്കറ്റ്‌ സർവകലാശാല വാർത്തകൾ

ഉന്നതപഠനത്തിന് സംസ്ഥാനത്ത് കൂടുതല്‍ സൗകര്യങ്ങളൊരുക്കുമെന്ന് കെ.ടി ജലീല്‍

Published on : January 21 - 2021 | 8:31 pm

കോട്ടയം: ഉന്നതവിദ്യാഭ്യാസത്തിന് സംസ്ഥാനത്ത് കൂടുതല്‍ സൗകര്യങ്ങളൊരുക്കുമെന്ന് ഉന്നതവിദ്യാഭ്യാസ വകുപ്പു മന്ത്രി ഡോ. കെ.ടി. ജലീല്‍. മറ്റ് സംസ്ഥാനങ്ങളിലേക്കുള്ള വിദ്യാര്‍ത്ഥികളുടെ ഒഴുക്ക് തടയുന്നതിന്റെ ഭാഗമായാണ് ഇത്തരമൊരു തീരുമാനം സര്‍ക്കാര്‍ കൈക്കൊള്ളുന്നതെന്ന് അദ്ദേഹം പറഞ്ഞു. മഹാത്മാഗാന്ധി സര്‍വകലാശാല ഇന്‍സ്റ്റിറ്റ്യൂട്ട് ഫോര്‍ ഇന്റഗ്രേറ്റഡ് പ്രോഗ്രാംസ് ആന്റ് റിസര്‍ച്ച് ഇന്‍ ബേസിക് സയന്‍സസിലും ഇന്‍സ്റ്റിറ്റ്യൂട്ട് ഫോര്‍ മള്‍ട്ടി ഡിസിപ്ലിനറി പ്രോഗ്രാംസ് ഇന്‍ സോഷ്യല്‍ സയന്‍സസിലും നടത്തുന്ന ഇന്റഗ്രേറ്റഡ് പ്രോഗ്രാമുകളുടെ ഉദ്ഘാടനം ഓണ്‍ലൈനായി നിര്‍വഹിക്കുകയായിരുന്നു അദ്ദേഹം. കൂടുതല്‍ അധ്യാപക തസ്തികകള്‍ സൃഷ്ടിച്ചതും നവീന ഇന്റഗ്രേറ്റഡ് കോഴ്സുകളടക്കം ആരംഭിച്ചതും ഇതിന്റെ ഭാഗമാണ്. അന്തര്‍വൈജ്ഞാനിക പഠനം പ്രോത്സാഹിപ്പിക്കേണ്ട കാലമാണിതെന്നും അദ്ദേഹം പറഞ്ഞു.

അന്തര്‍വൈജ്ഞാനിക പഠനം പ്രോത്സാഹിപ്പിക്കുന്നതിന് ഇന്റഗ്രേറ്റഡ് കോഴ്‌സുകള്‍ ഉപകാരപ്പെടുമെന്ന് മുഖ്യപ്രഭാഷണം നടത്തിയ ഉന്നത വിദ്യാഭ്യാസ കൗണ്‍സില്‍ വൈസ് ചെയര്‍മാന്‍ പ്രൊഫ. രാജന്‍ ഗുരുക്കള്‍ പറഞ്ഞു. സോഷ്യല്‍ സയന്‍സ് വിദ്യാര്‍ഥികള്‍ സയന്‍സ് വിഷയങ്ങളും സയന്‍സ് വിദ്യാര്‍ഥികള്‍ സോഷ്യല്‍ സയന്‍സ് വിഷയങ്ങളും പഠിക്കുന്ന അന്തര്‍വൈജ്ഞാനിക പഠനരീതി അക്കാദമികരംഗത്തെ മികവിന് സഹായകം. എല്ലാ വിഷയങ്ങളിലുമുള്ള അറിവ് നേടാന്‍ അന്തര്‍വൈജ്ഞാനിക പഠനം സഹായിക്കുമെന്നും അദ്ദേഹം പറഞ്ഞു. വൈസ് ചാന്‍സലര്‍ പ്രൊഫ. സാബു തോമസ് അധ്യക്ഷത വഹിച്ചു. പ്രോ വൈസ് ചാന്‍സലര്‍ പ്രൊഫ. സി.റ്റി. അരവിന്ദകുമാര്‍, സിന്‍ഡിക്കേറ്റംഗങ്ങളായ അഡ്വ. പി. ഷാനവാസ്, ഡോ. കെ.എം. സുധാകരന്‍, ഐ.എം.പി.എസ്.എസ്. ഡയറക്ടര്‍ പ്രൊഫ. എം.എച്ച്. ഇല്യാസ്, ഐ.ഐ.ആര്‍.ബി.എസ്. ഡയറക്ടര്‍ ഡോ. എസ്. അനസ് എന്നിവര്‍ പ്രസംഗിച്ചു.

0 Comments

Related News