തിരുവനന്തപുരം: ആധുനിക തൊഴില്‍മേഖലകളിലെ മാറ്റങ്ങള്‍ക്കനുസരിച്ച് വിദ്യാര്‍ഥികളുടെയും യുവാക്കളുടെയും നൈപുണ്യശേഷി ഉയര്‍ത്താനുള്ള പദ്ധതികള്‍ സര്‍ക്കാര്‍ നടപ്പാക്കി വരികയാണെന്ന് തൊഴിലും നൈപുണ്യവും വകുപ്പു മന്ത്രി ടി.പി.രാമകൃഷ്ണന്‍. കേരള സ്റ്റേറ്റ് ഇന്‍സ്റ്റിറ്റ്യൂട്ട് ഓഫ് ഡിസൈനില്‍ പരിശീലനം പൂര്‍ത്തിയാക്കിയ വിദ്യാർത്ഥികളുടെ ബിരുദദാന ചടങ്ങില്‍ അധ്യക്ഷം വഹിക്കുകയായിരുന്നു മന്ത്രി.
രാജ്യത്തും വിദേശത്തുമുള്ള പ്രമുഖ ഡിസൈന്‍ വിദ്യാഭ്യാസ സ്ഥാപനങ്ങളോട് കിടപിടിക്കുന്ന മികച്ച സ്ഥാപനമാക്കി കെഎസ്‌ഐഡിയെ വളര്‍ത്തുന്നതിന് നടപടി സ്വീകരിക്കുമെന്നും മന്ത്രി പറഞ്ഞു. 2016-17 വര്‍ഷങ്ങളില്‍ പ്രവേശനം നേടിയ 26 പേര്‍ക്കും 2015 ബാച്ചിലെ നാലുപേര്‍ക്കുമായി പി ജി ഡിപ്ലോമ സമ്മാനിച്ച ചടങ്ങില്‍ ഫിഷറീസ് ,ഹാര്‍ബര്‍ എഞ്ചിനീയറിംഗ് വകുപ്പ് മന്ത്രി ജെ.മേഴ്‌സിക്കുട്ടിയമ്മ പ്രതിജ്ഞാവാചകം ചൊല്ലിക്കൊടുത്തു.
0 Comments