ഓണം ഉത്സവബത്ത: സ്കൂൾ പാചകതൊഴിലാളികൾക്ക് 1300 രൂപ നൽകും

തിരുവനന്തപുരം: സംസ്ഥാനത്തെ സർക്കാർ  സ്കൂളുകളിലെ  ഉച്ചഭക്ഷണ പദ്ധതിയിൽ ഉൾപ്പെട്ട പാചകത്തൊഴിലാളികൾക്ക്  ഈ വർഷത്തെ ഓണം  ഉത്സവബത്തയായി  1300 രൂപ നൽകാൻ തീരുമാനിച്ചു.  സംസ്ഥാനത്തെ 12325 സ്കൂളുകളിലെ 13760 പാചകത്തൊഴിലാഴികളെയാണ് പരിഗണിക്കുക. അടിയന്തിരമായി പണം അനുവദിച്ചുനൽകുന്നതിന് വിദ്യാഭ്യാസ ഉപഡയറക്ടർമാർക്ക് നിർദേശം നൽകിയിട്ടുണ്ടെന്ന് പൊതുവിദ്യാഭ്യാസ അഡീഷണൽ ഡയറക്ടർ അറിയിച്ചു.