തിരുവനന്തപുരം: കൊല്ക്കത്ത ആസ്ഥാനമായുള്ള പൊതുമേഖലാ ബാങ്കായ യൂക്കോ ബാങ്കില് അപ്രന്റിസ്ഷിപ്പിന് അപേക്ഷ ക്ഷണിച്ചു. 15000 രൂപയാണ് സ്റ്റൈപ്പന്റ്. സംസ്ഥാനങ്ങളിലും കേന്ദ്രഭരണ പ്രദേശങ്ങളിലുമായി 544 ഒഴിവുണ്ട്. കേരളത്തിൽ 9 ഒഴിവാണുള്ളത് (ജനറൽ -7, ഒ ബി.സി.-2). ഒരു വര്ഷമാണ് പരിശീലനം. അംഗീകൃത സര്വകലാശാല/ സ്ഥാപനത്തില് നിന്നുള്ള ബിരുദമാണ് വിദ്യാഭ്യാസ യോഗ്യത. കൂടാതെ ഏതു സംസ്ഥാനത്തെക്കാണോ അപേക്ഷിക്കുന്നത് ആ സംസ്ഥാനത്തെ പ്രാദേശിക ഭാഷ എഴുതാനും വായിക്കാനും മനസ്സിലാക്കാനും അറിയണം. പത്താം ക്ലാസിലെയോ പന്ത്രണ്ടാം ക്ളാസിലെയോ മാര്ക്ക്ഷിറ്റ്/ സര്ട്ടിഫിക്കറ്റ് ഈ ഭാഷ പഠിച്ചതായി തെളിയുക്കുന്നതിനു ഹാജരാക്കണം. ഹാജരാക്കാത്തവര് ഈ ഭാഷയിലെ പരിജ്ഞാനം തെളിയിക്കുന്ന പരീക്ഷ കൂടി അഭിമുഖീകരിക്കണം. 2024 ജൂലായ് ഒന്നിന് 20-28 ആണ് പ്രായപരിധി . അപേക്ഷകര് 02.07.1996-നും 01.07.2004-നും ഇടയില് ജനിച്ചവരുമായിരിക്കണം. എസ്.സി., എസ്.ടി വിഭാഗക്കാര്ക്ക് അഞ്ച് വര്ഷത്തെയും ഒ.ബി.സി. വിഭാഗക്കാര്ക്ക് മൂന്ന് വര്ഷത്തെയും ഇളവ് ലഭിക്കും. ഭിന്നശേഷിക്കാര്ക്ക് 10 വര്ഷത്തെ വര്ഷത്തെ (എസ്.സി., എസ്.ടി.-15 വര്ഷം, ഒ.ബി.സി.-13 വര്ഷം) ഇളവുണ്ട്. വിധവകള്ക്കും പുനര്വിവാഹിതരാവാത്ത വിവാഹമോചിതകള്ക്കും 35 വയസ്സ് (എസ്.സി., എസ്.ടി-40, ഒ.ബി.സി.-38) അപേക്ഷിക്കാം. എഴുത്തുപരീക്ഷ നടത്തിയാരിക്കും തിരഞ്ഞെടുക്കുക. അപേക്ഷ എൻ. ടി. എസ് പോർട്ടലായ https://nats.education.gov.in വഴി രജിസ്റ്റർ ചെയ്യണം. ജൂലൈ 16 ആണ് അവസാന തീയതി. കൂടുതൽ വിവരങ്ങൾക്ക് https://ucobank.com എന്ന വെബ്സൈറ്റ് സന്ദർശിക്കുക
കെ-ടെറ്റ് യോഗ്യത: ശമ്പള സ്കെയിലിൽ താൽക്കാലിക അപ്രൂവൽ നൽകും
തിരുവനന്തപുരം:വിദ്യാഭ്യാസ അവകാശ നിയമപ്രകാരം അധ്യാപകർക്ക് കെ-ടെറ്റ്...
