തേഞ്ഞിപ്പലം:കാലിക്കറ്റ് സര്വകലാശാലാ ഫിലോസഫി പഠനവിഭാഗത്തില് എം.എ. പ്രോഗ്രാമിന് തുടര്ലിസ്റ്റില് നിന്നുള്ള പ്രവേശനം 21-ന് 10 മണിക്ക് നടക്കും. പട്ടിക വെബ്സൈറ്റില് ലഭ്യമാണ്. അറിയിപ്പ് ലഭിച്ചവര് രേഖകളുമായി ഓഫീസില് ഹാജരാകണം.
അഫ്സല് ഉല് ഉലമ ഒന്നാം അലോട്ട്മെന്റ്
2023-24 വര്ഷത്തേക്കുളള അഫ്സല്-ഉല്-ഉലമ (പ്രിലിമിനറി) പ്രവേശനത്തിന്റെ ഒന്നാമത്തെ അലോട്ട്മെന്റ് പ്രസിദ്ധീകരിച്ചു. അലോട്ട്മെന്റ് ലഭിച്ചവര് 21-ന് വൈകീട്ട് 4 മണിക്കുള്ളില് മാന്ഡേറ്ററി ഫീസടയ്ക്കണം. എസ്.സി./ എസ്.ടി./ ഒ.ഇ.സി./ഒ.ഇ.സി-ക്ക് തത്തുല്യമായ വിദ്യാഭ്യാസ ആനുകൂല്യം ലഭിക്കുന്ന ഇതര 30 സമുദായങ്ങളിലെ വിദ്യാര്ത്ഥികള്ക്ക് 125 രൂപയും മറ്റുള്ളവര്ക്ക് 510 രൂപയുമാണ് ഫീസ്. വിശദവിവരങ്ങള് പ്രവേശന വിഭാഗം വെബ്സൈറ്റില്.
പരീക്ഷാഫലം
ഒന്നാം സെമസ്റ്റര് ത്രിവത്സര എല്.എല്.ബി. യൂണിറ്ററി ഡിഗ്രി നവംബര് 2022 റഗുലര്/സപ്ലിമെന്ററി, ഏപ്രില് 2022 സപ്ലിമെന്ററി പരീക്ഷകളുടെ ഫലം പ്രസിദ്ധീകരിച്ചു.
എംഎ വിമന്സ്റ്റഡീസ്
സര്വകലാശാലാ വനിതാ പഠനവിഭാഗത്തില് 18-ന് നടത്താനിരുന്ന ഒന്നാംവര്ഷ പി.ജി. പ്രവേശനം 21-ലേക്ക് മാറ്റി. ഫോണ്: 8848620035.
