SUBSCRIBE OUR YOUTUBE CHANNEL https://youtube.com/c/SchoolVartha
JOIN OUR WHATSAPP GROUP https://chat.whatsapp.com/Lvi1nIucsW65nmHNAWmwHo
കോട്ടയം:മഹാത്മാ ഗാന്ധി സർവകലാശാലയിലെ സ്കൂൾ ഓഫ് ഫുഡ് സയൻസ് ആൻഡ് ടെക്നോളജിയിൽ ടെക്നിക്കൽ അസിസ്റ്റൻറ്, ലാബ് അസിസ്റ്റൻറ് തസ്തികകളിൽ കരാർ അടിസ്ഥാനത്തിൽ നിയമനത്തിനുള്ള വാക്ക്-ഇൻ ഇൻറർവ്യു ജൂൺ 19 ന് രാവിലെ 11.30 ന് വൈസ് ചാൻസലറുടെ ചേംബറിൽ നടക്കും.
രണ്ടു തസ്തികകളിലും ഈഴവ/ബില്ലവ/തിയ്യ എന്നീ സംവരണ വിഭാഗത്തിലെ ഒരൊഴിവിലേക്ക് മൂന്നു മാസത്തേക്കായിരിക്കും നിയമനം.
ടെക്നിക്കൽ അസിസ്റ്റൻറ് തസ്തികയിലേക്ക് അപേക്ഷിക്കുന്നവർക്ക് ബി.ടെക് ഫുഡ് പ്രോസസിംഗ്, എം.എസ്.സി ഫുഡ് സയൻസ് ആൻഡ് ക്വാളിറ്റി കൺട്രോൾ, എം.എസ്.സി ഫുഡ് ആൻഡ് ന്യൂട്രീഷൻ എന്നിവയിൽ ഏതെങ്കിലും യോഗ്യത ഉണ്ടായിരിക്കണം. പ്രതിമാസ വേതനം സഞ്ചിത നിരക്കിൽ 25000 രൂപ. പ്രായപരിധി 2023 ജനുവരി ഒന്നിന് 39 കവിയരുത്.
![\"\"](\"https://schoolvartha.com/wp-content/uploads/2023/06/IMG-20230601-WA0133-1024x1024.jpg\")
കെമിസ്ട്രി, ലൈഫ് സയൻസ് എന്നിവയിൽ ഏതിലെങ്കിലും ബിരുദമാണ് ലാബ് അസിസ്റ്റൻറ് തസ്തികയിലേക്ക് പരിഗണിക്കപ്പെടുന്നതിനുള്ള അടിസ്ഥാനയോഗ്യത. പ്രതിമാസ വേതനം സഞ്ചിത നിരക്കിൽ 15000 രൂപ. പ്രായപരിധി 2023 ജനുവരി ഒന്നിന് 39 കവിയരുത്.
താൽപര്യമൂള്ളവർ പ്രായം, വിദ്യാഭ്യാസ യോഗ്യത, പ്രവൃത്തി പരിചയം, ജാതി, നോൺ ക്രീമിലെയർ വിഭാഗം, അധിക യോഗ്യത എന്നിവ തെളിയിക്കുന്ന സർട്ടിഫിക്കറ്റുകളും അസ്സലും പകർപ്പുകളും സഹിതം ജൂൺ 19ന് രാവിലെ 10.30ന് സർവകലാശാലാ അഡ്മിനിസ്ട്രേറ്റീവ് ബ്ലോക്കിലുള്ള എ.ഡി.എ 5 സെക്ഷനിൽ എത്തണം. വിശദ വിവരങ്ങൾ വെബ്സൈറ്റിൽ.
![\"\"](\"https://schoolvartha.com/wp-content/uploads/2022/07/Edappal-Hospitals-1024x1024.jpeg\")
