ഷോർട് സർവീസ് കമ്മിഷൻ നിയമനം: കരസേനയിൽ 191 ഒഴിവ്

JOIN OUR WHATS APP GROUP https://chat.whatsapp.com/BgCqemi9LED6IajnbZJh7s

ന്യൂഡൽഹി: കരസേനയുടെ 59–ാമത് ഷോർട് സർവീസ് കമ്മിഷൻ (ടെക്‌) കോഴ്‌സിലേക്കും 30–ാമത് ഷോർട് സർവീസ് കമ്മിഷൻ (ടെക്‌) വിമൻ കോഴ്‌സിലേക്കുമുള്ള പ്രവേശനത്തിന് ഇപ്പോൾ അപേക്ഷിക്കാം. അപേക്ഷകർ അവിവാഹിതരായിരിക്കണം. 2022 ഒക്ടോബറിൽ തുടങ്ങുന്ന കോഴ്‌സിൽ പുരുഷൻമാർക്ക് 175 ഒഴിവും സ്ത്രീകൾക്ക് 14 ഒഴിവുമുണ്ട്. ഓൺലൈനായി അപേക്ഷിക്കേണ്ട അവസാന തീയതി ഏപ്രിൽ 6. എസ്‌.എസ്‌.ബി ഇന്റർവ്യൂ, വൈദ്യപരിശോധന എന്നിവയുടെ അടിസ്‌ഥാനത്തിലായിരിക്കും തിരഞ്ഞെടുപ്പ്. ഗ്രൂപ് ടെസ്‌റ്റ്, സൈക്കോളജിക്കൽ ടെസ്‌റ്റ് എന്നീ രണ്ടു ഘട്ടങ്ങളായുള്ള ഇന്റർവ്യൂ ബെംഗളൂരു ഉൾപ്പെടെയുള്ള കേന്ദ്രങ്ങളിൽ നടത്തും.

യോഗ്യത: ബന്ധപ്പെ‌ട്ട വിഭാഗങ്ങളിലെ എൻജിനീയറിങ് ബിരുദം. നിബന്ധനകൾക്കു വിധേയമായി അവസാനവർഷ വിദ്യാർഥികൾക്കും അപേക്ഷിക്കാം. ഒപ്പം കരസേനാ വെബ്‌സൈറ്റിൽ നൽകിയ മാനദണ്ഡങ്ങളനുസരിച്ചു ശാരീരികയോഗ്യതയും ഉണ്ടായിരിക്കണം.

പ്രായപരിധി: 20 മുതൽ 27 വയസ്സ് വരെ (2022 ഒക്ടോബർ 1 അടിസ്ഥാനമാക്കി).

പരിശീലനം: ചെന്നൈയിലെ ഓഫിസേഴ്‌സ് ട്രെയിനിങ് അക്കാദമിയിൽ 49 ആഴ്‌ച പരിശീലനം. ഇതു വിജയകരമായി പൂർത്തിയാക്കുന്നവർക്കു പിജി ഡിപ്ലോമ ഇൻ ഡിഫൻസ് മാനേജ്മെന്റ് ആൻഡ് സ്ട്രാറ്റജിക് സ്റ്റഡീസ് (മദ്രാസ് യൂണിവേഴ്സിറ്റി) യോഗ്യത ലഭിക്കും. ലഫ്റ്റനന്റ് റാങ്കിലാകും നിയമനം.

മറ്റ് ഒഴിവുകൾ: പ്രതിരോധസേനാ ഉദ്യോഗസ്‌ഥരുടെ വിധവകൾക്ക് ടെക്, നോൺ ടെക് വിഭാഗങ്ങളിലായി 2 ഒഴിവുകളുണ്ട്.

യോഗ്യത: ടെക് എൻട്രിയിൽ ഏതെങ്കിലും എൻജിനീയറിങ് വിഭാഗത്തിൽ ബി.ഇ./ബി.ടെക്കും നോൺ ടെക്‌ എൻട്രിയിൽ ഏതെങ്കിലും ബിരുദവും.

പ്രായപരിധി: 35 വയസ്സ്.

ഓഫ്‌ലൈനായാണ് അപേക്ഷിക്കേണ്ടത്. അപേക്ഷകൾ നൽകേണ്ട അവസാന തീയതി ഏപ്രിൽ 22.

കൂടുതൽ വിവരങ്ങൾക്ക്: https://joinindianarmy.nic.in