സർക്കാർ കൊമേഴ്ഷ്യൽ ഇൻസ്റ്റിറ്റ്യൂട്ടുകളിൽ ഡിപ്ലോമ ഇൻ സെക്രട്ടേറിയൽ പ്രാക്ടീസ്

തിരുവനന്തപുരം:കേരള സർക്കാർ കൊമേഴ്ഷ്യൽ ഇൻസ്റ്റിറ്റ്യൂട്ടുകളിൽ നടത്തുന്ന രണ്ടുവർഷത്തെ ഡിപ്ലോമ ഇൻ സെക്രട്ടേറിയൽ പ്രാക്ടീസ് കോഴ്സ് പ്രവേശനത്തിന് ഇപ്പോൾ അപേക്ഷിക്കാം. സാങ്കേതിക വിദ്യാഭ്യാസ വകുപ്പിന്റെ കീഴിൽ 17 കേന്ദ്രങ്ങളിലാണ് കോഴ്സുകൾ നടക്കുന്നത്.എറണാകുളം (മൂന്ന് കേന്ദ്രങ്ങൾ), കോഴിക്കോട്, കണ്ണൂർ, കോട്ടയം (രണ്ട് വീതം), തിരുവനന്തപുരം, കൊല്ലം, ആലപ്പുഴ, ഇടുക്കി, തൃശ്ശൂർ, പാലക്കാട്, മലപ്പുറം, വയനാട് എന്നിവിടങ്ങളിലാണ് ഇൻസ്റ്റിറ്റ്യൂട്ടുകൾ പ്രവർത്തിക്കുന്നത്.
ഒരു കേന്ദ്രത്തിൽ പരമാവധി 60 പേർക്ക് മാത്രമാണ് പ്രവേശനം. വിശദവിവരങ്ങളും അപേക്ഷയും http://sitttrkerala.ac.in– ൽ ലഭ്യമാണ്. സെക്രട്ടേറിയൽ പ്രാക്ടീസിന് പുറമെ കൊമേഴ്സ്, അക്കൗണ്ടൻസി, കംപ്യൂട്ടർ ആപ്ലിക്കേഷൻസ് എന്നീ വിഷയങ്ങൾ ഉൾക്കൊള്ളുന്നതാണ് പാഠ്യപദ്ധതി. ഡി.ടി.പി. (ഇംഗ്ലീഷ്, മലയാളം), വേഡ് പ്രോസസിങ് (ഇംഗ്ലീഷ്, മലയാളം), ഡേറ്റാ എൻട്രി, ഫോട്ടോഷോപ്പ്, ടാലി, ടൈപ്റൈറ്റിങ്, ഷോർട്ട് ഹാൻഡ്, കമ്യൂണിക്കേറ്റീവ് ഇംഗ്ലീഷ്, ബിസിനസ് കമ്യൂണിക്കേഷൻ, പേഴ്സണാലിറ്റി ഡെവലപ്മെന്റ് തുടങ്ങിയ മേഖലകളിലെ നൈപുണി വികസനത്തിന് പ്രോഗ്രാം വഴിയൊരുക്കും.