തിരുവനന്തപുരം:സ്കോൾ കേരള മുഖാന്തിരം ഹയർസെക്കണ്ടറി കോഴ്സിന് പ്രൈവറ്റായി രജിസ്റ്റർ ചെയ്ത 2023-25 ബാച്ചിലെ രണ്ടാം വർഷ വിദ്യാർഥികളുടെ നിരന്തര മൂല്യനിർണ്ണയത്തിന്റെ ഭാഗമായുള്ള ഓറിയന്റേഷൻ ക്ലാസുകൾ അതത് പരീക്ഷാ കേന്ദ്രങ്ങളിൽ വച്ച് നടത്തുമെന്ന് എക്സിക്യൂട്ടീവ് ഡയറക്ടർ ഇൻചാർജ് അറിയിച്ചു. വിശദാംശങ്ങൾക്ക് അതത് പരീക്ഷാ കേന്ദ്രങ്ങളുമായി ബന്ധപ്പെടണം.
ബിടെക്, ബിആർക്ക് സ്പോട്ട് അഡ്മിഷൻ
🌐തൃശൂർ സർക്കാർ എൻജിനീയറിങ് കോളേജിലെ 2024-25 അധ്യയന വർഷത്തെ ബി.ടെക് / ബി.ആർക്ക് കോഴ്സിലെ ഒഴിവുള്ള സീറ്റിലേക്ക് ഒക്ടോബർ 21 ന് 12 മണിക്ക് സ്ഥാപനത്തിൽ വച്ച് സ്പോട്ട് അഡ്മിഷൻ നടത്തുന്നു. രാവിലെ 10 മുതൽ 11 മണി വരെയായിരിക്കും രജിസ്ട്രേഷൻ. 2024 ലെ കീം റാങ്ക് പട്ടികയിൽ ഉൾപ്പെട്ട എല്ലാ വിദ്യാർഥികൾക്കും പങ്കെടുക്കാം. വിശദവിവരങ്ങൾക്ക്: http://gectcr.ac.in.
