തിരുവനന്തപുരം:യൂണിവേഴ്സിറ്റി ഗ്രാൻഡ് കമ്മീഷൻ അംഗീകരിച്ച സ്‌റ്റേറ്റ് എലിജിബിലിറ്റി ടെസ്‌റ്റ്(സെറ്റ്), സ്‌റ്റേറ്റ് ലെവൽ എലിജിബിലിറ്റി ടെസ്‌റ്റ്(സ്‌ലെറ്റ്) എന്നിവ വിജയിച്ചവർക്കും ഇനി കേരളത്തിലെ കോളജ് വിദ്യാഭ്യാസ വകുപ്പിൽ അസി.പ്രഫസർ നിയമനത്തിന് അവസരം.
കേരളത്തിലെ ഹയർ സെക്കൻഡറി അധ്യാപക നിയമനത്തിനുള്ള യോഗ്യതയായ ‘സെറ്റ്’ പരീക്ഷയ്ക്ക് യുജിസി അംഗീ കൃതമല്ലാത്തതിനാൽ കേരളത്തിലെ സെറ്റ് പാസായവർക്ക് പുതിയ ഉത്തരവ് ബാധകമല്ല. മറ്റു സംസ്‌ഥാനങ്ങളിൽനിന്ന് യുജിസി അംഗീകൃത സെറ്റും സ്ലെറ്റും നേടിയവർക്കാകും പു തിയ ഉത്തരവ് പ്രകാരം നിയമനം ലഭിക്കുക. 2018ലെ യുജിസി നിയമ ഭേദഗതി അനുസരിച്ചാണ് സംസ്ഥാനത്ത് പുതിയ മാറ്റം വരുത്തുന്നത്. കേരളത്തിൽ നിലവിൽ സ്‌ലെറ്റ് പരീക്ഷ നടക്കുന്നില്ല. മുൻപ് ഒരു തവണ മാത്രമാണ് സംസ്ഥാമത്ത് സ്‌ലെറ്റ് നടന്നത്. പുതിയ ഉത്തരവ് അനുസരിച്ച് സംസ്ഥാനത്ത് കോളജ് വിദ്യാഭ്യാസ നിയമനത്തിനുള്ള ചട്ടത്തിലും ഉടൻ മാറ്റം വരുത്തുമെന്നാണ് വിവരം.
നോര്‍ക്ക റൂട്ട്സ് വഴി യുഎഇയിൽ നഴ്സ് നിയമനം: അപേക്ഷ 18വരെ മാത്രം
തിരുവനന്തപുരം:നോര്‍ക്ക റൂട്ട്സ് വഴി യുഎഇയിലെ ആരോഗ്യ സേവനമേഖലയിലെ പ്രമുഖ...
