SUBSCRIBE OUR YOUTUBE CHANNEL https://youtube.com/c/SchoolVartha
JOIN OUR WHATSAPP GROUP https://chat.whatsapp.com/DU5wztjhq7IK9HulRoICZe

തിരുവനന്തപുരം: ജില്ലാ പഞ്ചായത്തില്‍ പട്ടികജാതി വിഭാഗത്തിലെ യുവതി യുവാക്കള്‍ക്ക് അവസരം. 30എന്‍ജിനീയറിങ് അപ്രന്റീസ് ഒഴിവുകളാണുള്ളത്. സിവില്‍ എന്‍ജിനീയറിങില്‍ സര്‍ക്കാര്‍ അംഗീകൃത ബിരുദമാണ് യോഗ്യത. രണ്ടു വര്‍ഷത്തേക്ക് ജില്ലാ പഞ്ചായത്തിലെ എന്‍ജിനീയറിങ് വിഭാഗത്തിലാണ് നിയമനം. പട്ടികജാതി വിഭാഗത്തിലെ അഭ്യസ്തവിദ്യരായ യുവജനങ്ങള്‍ക്കുള്ള തൊഴില്‍ പരിശീലന പദ്ധതി പ്രകാരമാണ് നിയമനം.

തിരുവനന്തപുരം ജില്ലയിലെ ഗ്രാമപഞ്ചായത്ത് പരിധിയില്‍ സ്ഥിരതാമസക്കാരായ പട്ടികജാതി വിഭാഗത്തിലെ യുവതി യുവാക്കള്‍ക്കാണ് ഈ അവസരം. പ്രതിമാസം സ്‌റ്റൈപ്പന്‍ഡ് ആയി ലഭിക്കുക 10,000 രൂപയാണ്. സര്‍ട്ടിഫിക്കറ്റുകളുടെ സ്വയം സാക്ഷ്യപ്പെടുത്തിയ പകര്‍പ്പു സഹിതം ഒക്ടോബര്‍ 31നകം അപേക്ഷിക്കണം. സെക്രട്ടറി, തിരുവനന്തപുരം ജില്ലാ പഞ്ചായത്ത് കാര്യാലയം, പട്ടം പാലസ് പി.ഒ,695004. http://tvmjillapanchayath.in സന്ദര്‍ശിക്കുക. ബന്ധപ്പെടേണ്ട ഫോണ്‍ നമ്പര്‍ 0471-2550750