ജില്ലാ ഭരണകൂടത്തിന്റെ ഭാഗമാകാൻ അവസരമൊരുക്കി കളക്ടറുടെ ഇന്റേൺഷിപ് പ്രോഗ്രാം

JOIN OUR WHATSAPP GROUP https://chat.whatsapp.com/Ho35uvTwPSTE3q7pfeRNbY

കോഴിക്കോട്: കംപാഷണേറ്റ് കോഴിക്കോട് പദ്ധതിയുടെ ഭാഗമായി തുടക്കമിട്ട കളക്ടറുടെ ഇന്റേൺഷിപ്പ് പ്രോഗ്രാമിലേക്ക് ഇപ്പോൾ അപേക്ഷിക്കാം. ബിരുദധാരികൾക്കാണ് അവസരം. 2015 ജൂലൈയിൽ ആരംഭിച്ച ഈ പ്രോഗ്രാമിൽ ഇതുവരെ ഇരുപത്തിരണ്ടിലധികം ബാച്ചുകളിലായി നാനൂറിൽ കൂടുതൽ പേർ ഇന്റേൺഷിപ് പൂർത്തിയാക്കിയിട്ടുണ്ട്. ജില്ലാ ഭരണകൂടത്തോടൊപ്പം വിവിധ വികസന, സാമൂഹികക്ഷേമ പദ്ധതികളിൽ പ്രവർത്തിക്കാൻ അവസരം നൽകുന്ന പ്രോഗ്രാമാണിത്.

നാലുമാസ കാലാവധിയുള്ള പ്രോഗ്രാമിൽ രണ്ടുഘട്ടങ്ങളായാണ്‌ തിരഞ്ഞെടുപ്പ് നടത്തുന്നത്. പ്രാഥമിക ഘട്ടത്തിൽ തിരഞ്ഞെടുക്കപ്പെടുന്നവർ അടുത്ത ഘട്ടത്തിൽ നടക്കുന്ന അഭിമുഖത്തിൽ വിജയിക്കണം. ജൂലൈ ആദ്യ ആഴ്ചയോടെ പുതിയ ബാച്ച് ആരംഭിക്കുന്നതായിരിക്കും.താല്പര്യമുള്ളവർ ക്യു.ആർ. കോഡ് സ്കാൻ ചെയ്ത് വെബ്സൈറ്റ് സന്ദർശിച്ച് പ്രോഗ്രാം സംബന്ധിച്ച വിശദാംശങ്ങൾ വായിച്ച് മനസ്സിലാക്കിയതിന്‌ ശേഷം ഓൺലൈൻ അപേക്ഷ പൂരിപ്പിച്ച് നൽകുക.

• സിയുഇടി-യുജിയിൽ ഈ വർഷം 37 വിഷയങ്ങൾ: പരീക്ഷാസമയവും നിജപ്പെടുത്തി
• ‘ഉദ്യമ 1.0’ ഉന്നതവിദ്യാഭ്യാസ കോൺക്ലേവ് 7മുതൽ 10 വരെ തിരുവനന്തപുരത്ത്
• ലോ കോളജ് വിദ്യാർത്ഥികൾക്ക് പുന:പ്രവേശനത്തിനും കോളജ് മാറ്റത്തിനും അവസരം
• ആയുർവേദ, ഹോമിയോപ്പതി, സിദ്ധ, യുനാനി കോഴ്സ്: റാങ്ക് ലിസ്റ്റും കാറ്റഗറി ലിസ്റ്റും പ്രസിദ്ധീകരിച്ചു
• ഈ മരുന്നുകൾ ഇനി വാങ്ങരുത്: ഗുണനിലവാരമില്ലെന്ന് കണ്ടെത്തി നിരോധിച്ചു

കൂടുതൽ വിവരങ്ങൾ അറിയുന്നതിനായി ജില്ലാ കലക്ടറുടെ ഔദ്യോഗിക സാമൂഹമാധ്യമ പേജുകൾ സന്ദർശിക്കുകയോ 9847764000, 04952370200 എന്നീ നമ്പരുകളിൽ വിളിക്കുകയോ projectcellclt@gmail.com എന്ന ഇ-മെയിലിൽ ബന്ധപ്പെടുകയോ ചെയ്യാം.‌