നൂറ് മേനി വിജയം; സർക്കാർ, എയ്ഡഡ് സ്കൂളുകൾ പിന്നിലായി; അടി തെറ്റാതെ അൺ എയ്ഡഡ് മേഖല

JOIN OUR WHATSAPP GROUP https://chat.whatsapp.com/K4W0eSLHL30FdX3ion73Ks

സ്വന്തം ലേഖകൻ

തിരുവനന്തപുരം: പരീക്ഷയെഴുതിയ മുഴുവൻ വിദ്യാർത്ഥികളും ഉപരിപഠനത്തിന് യോഗ്യത നേടിയ സ്കൂളുകളുടെ എണ്ണത്തിൽ സർക്കാർ, എയ്ഡഡ് സ്കൂളുകൾ പിന്നോട്ട് പോയി. ഈ വർഷം 760 സർക്കാർ സ്കൂളുകളിലും 942 എയ്ഡഡ് സ്കൂളുകളിലുമാണ് സമ്പൂർണ്ണ വിജയം. കഴിഞ്ഞ വർഷം ഇത് യഥാക്രമം 791ഉം 987ഉം ആയിരുന്നു. 2020ൽ 637 ഉം 796ഉം ആയിരുന്നു. 2020നെ അപേക്ഷിച്ച് 2021 ലുണ്ടാക്കിയ നേട്ടം നിലനിർത്താനോ മുന്നേറാനോ സർക്കാർ, എയ്ഡഡ് സ്കൂളുകൾക്കായില്ല. എയ്ഡഡ് മേഖലയിലാണ് വലിയ കുറവ് ഉണ്ടായത്. കഴിഞ്ഞ വർഷത്തെ അപേക്ഷിച്ച് 45 സ്കൂളുകൾ കുറഞ്ഞു. സർക്കാർ

മേഖലയിൽ 31 സ്കൂളുകളാണ് കുറഞ്ഞത്. ഇത്തവണ 1173 സർക്കാർ സ്കൂളുകളിലും 1423 എയ്ഡഡ് സ്കൂളുകളിലുമാണ് പരീക്ഷയെഴുതിയിരുന്നത്. അതേ സമയം അൺ എയ്ഡഡ് സ്കൂളുകൾ കഴിഞ്ഞ വർഷത്തെ കണക്ക് നില നിർത്തി. ഈ വർഷവും 432 അൺ എയ്ഡഡ്‌ വിദ്യാലയങ്ങൾ സമ്പൂർണ്ണ വിജയം നേടി. 2020ൽ 404 സ്കൂളുകളിലായിരുന്നു നൂറ് മേനി. ഇത്തവണ 463 സ്കൂളുകളിലാണ് കുട്ടികൾ പരീക്ഷ എഴുതിയത്.

• എസ്എസ്എൽസി, ഹയർ സെക്കന്ററി പരീക്ഷകളുടെ പുതിയ ഗ്രേസ് മാർക്ക് ഇതാ: ലഭിക്കുന്നത് 2മുതൽ 100 മാർക്ക് വരെ
• ഇനി പ്രീ പ്രൈമറി കുട്ടികൾക്കും കായികോത്സവം
• ഇനി അവധി വേണ്ട: സ്വാതന്ത്ര്യദിനം, ഗാന്ധിജയന്തി, റിപ്പബ്ലിക് ദിനം തുടങ്ങിയ ദിവസങ്ങളില്‍ സ്കൂളുകൾ പ്രവർത്തിക്കണമെന്ന് ബാലാവകാശ കമ്മീഷൻ
• NEET-UG 2026: അപേക്ഷാ തിരുത്തലുകൾക്ക് ഇന്ന് ഉച്ചമുതൽ തുടക്കം
• പ്ലസ്ടുവിന് ശേഷം എന്ത്? മികച്ച കോഴ്സുകളും പഠനകേന്ദ്രങ്ങളും അറിയാം