അർഹമായ ക്ഷാമബത്ത അനുവദിക്കുന്നില്ല: പരാതിയുമായി കോളേജ് അധ്യാപകർ

May 14, 2022 at 9:39 am

Follow us on

JOIN OUR WHATS APP GROUP https://chat.whatsapp.com/BpeI9aAv1FR0J8PcNgpFyt

തിരുവനന്തപുരം: അർഹമായ ക്ഷാമബത്ത നൽകുന്നില്ലെന്ന ആരോപണവുമായി സംസ്ഥാനത്തെ കോളേജ് അധ്യാപകർക്ക് പ്രക്ഷോഭത്തിനൊരുങ്ങുന്നു. കഴിഞ്ഞ മൂന്നുവർഷമായി സംസ്ഥാന സർക്കാർ ക്ഷാമബാത്ത അനുവദിക്കുന്നിലെന്നും ഇത് വിവേചനമാണെന്നും ചൂണ്ടിക്കാട്ടിയാണ് അധ്യാപകർ സമരത്തിനൊരുങ്ങുന്നത്. കേന്ദ്ര നിരക്കിലുള്ള ക്ഷാമബത്തയ്ക്ക് അർഹതയുണ്ടെങ്കിലും ഇത് ലഭിക്കുന്നില്ലെന്നാണ് പരാതി. കോളജ് അധ്യാപകരെ സർക്കാർ അവഗണിക്കുകയാണ്. 2019മുതൽ ക്ഷാമബത്ത നൽകുന്നില്ല.

മറ്റെല്ലാ ജീവനക്കാർക്കും അവർക്ക് അർഹതപ്പെട്ട ഡിഎ അനുവദിക്കുന്നുണ്ട്. സംസ്ഥാന സർക്കാർ ജീവനക്കാർക്ക് ഓരോ 5വർഷത്തിലും ശമ്പളപരിഷ്ക്കരണം നടപ്പാക്കാറുണ്ട്. യുജിസി ചട്ടപ്രകാരം കോളജ് അധ്യാപകർക്ക് 10വർഷം കൂടുമ്പോൾ ശമ്പളം വർധിപ്പിക്കണം. എന്നാൽ കേരളത്തിൽ 15വർഷത്തിലാണ് ശമ്പള പരിഷ്ക്കരണം നടപ്പാക്കുന്നതെന്നും പരാതിപ്പെടുന്നു.
കോളേജ് അധ്യാപകർക്കെതിരെയുള്ള നീതികേടിനെതിരെ നിയമപോരാട്ടം നടത്തുമെന്നാണ് അധ്യാപകർ പറയുന്നത്.

\"\"

Follow us on

Related News