പരീക്ഷകള്‍ റദ്ധാക്കി, പരീക്ഷാ അപേക്ഷ: ഇന്നത്തെ കാലിക്കറ്റ്‌ വാർത്തകൾ

ക്രൈം വാർത്തകൾക്ക് PLEASE JOIN https://chat.whatsapp.com/CPmdDYdycbO8nspDbIDmHB

തേഞ്ഞിപ്പലം: ഈവർഷം മാര്‍ച്ച് 18, 21 തീയതികളില്‍ നടത്തിയ എസ്.ഡി.ഇ., പ്രൈവറ്റ് രജിസ്‌ട്രേഷന്‍ 3, 4 സെമസ്റ്റര്‍ എം.എ. മലയാളത്തിന്റെ സംസ്‌കൃതം 1, 2 പേപ്പര്‍ ഏപ്രില്‍/മെയ് 2021 പരീക്ഷകള്‍ റദ്ദാക്കി. പുനഃപരീക്ഷാ തീയതി പിന്നീട് പ്രസിദ്ധീകരിക്കും.  

പരീക്ഷാ അപേക്ഷ

ഒമ്പതാം സെമസ്റ്റര്‍ ബി.ആര്‍ക്ക്. നവംബര്‍ 2021 റഗുലര്‍ പരീക്ഷക്ക് പിഴ കൂടാതെ 29 വരെയും 170 രൂപ പിഴയോടെ മെയ് 4 വരെയും ഓണ്‍ലൈനായി അപേക്ഷിക്കാം.

സ്ട്രീം ചെയ്ഞ്ച് വഴി പ്രവേശനം നേടിയ സി.ബി.സി.എസ്.എസ്.-യു.ജി. മൂന്നാം സെമസ്റ്റര്‍ വിദ്യാര്‍ത്ഥികള്‍ക്ക് നവംബര്‍ 2021 റഗുലര്‍ പരീക്ഷക്ക് പിഴ കൂടാതെ 27 വരെയും 170 രൂപ പിഴയോടെ 29 വരെയും ഓണ്‍ലൈനായി അപേക്ഷിക്കാം.

ഒന്നാം വര്‍ഷ അഫ്‌സലുല്‍ ഉലമ പ്രിലിമിനറി മെയ് 2022 റഗുലര്‍ പരീക്ഷക്ക് പിഴ കൂടാതെ മെയ് 12 വരെയും 170 രൂപ പിഴയോടെ 16 വരെയും ഓണ്‍ലൈനായി അപേക്ഷിക്കാം.  

അധ്യാപക പരിശീലനത്തിന് അപേക്ഷിക്കാം

കാലിക്കറ്റ് സര്‍വകലാശാലാ യു.ജി.സി. – ഹ്യൂമണ്‍ റിസോഴ്‌സ് ഡവലപ്‌മെന്റ് സെന്റര്‍ 2022-23 അദ്ധ്യയനവര്‍ഷത്തില്‍ നടത്തുന്ന അധ്യാപക പരിശീലനത്തിന് ഓണ്‍ലൈനായി അപേക്ഷിക്കാം. ഫാക്കല്‍റ്റി ഇന്റക്ഷന്‍ പ്രോഗ്രാമുകള്‍, റിഫ്രഷര്‍ കോഴ്‌സുകള്‍, ഷോര്‍ട്ട് ടേം കോഴ്‌സുകള്‍, വര്‍ക്ക് ഷോപ്പുകള്‍, മറ്റു പ്രോഗ്രാമുകള്‍ തുടങ്ങിയവയുടെ വിശദവിവരങ്ങള്‍ എച്ച്.ആര്‍.ഡി.സി. വെബ്‌സൈറ്റില്‍ (ugchrdc.uoc.ac.in) ലഭ്യമാണ്. ഫോണ്‍ – 0494 2407350