JOIN OUR WHATS APP GROUP https://chat.whatsapp.com/BgCqemi9LED6IajnbZJh7s
കൊച്ചി: സംസ്ഥാനത്ത് സര്വകലാശാലകളെ ബന്ധിപ്പിച്ച് ഏകീകൃത സോഫ്റ്റ് വെയര് സംവിധാനം നടപ്പാക്കാനൊരുങ്ങി സര്ക്കാര്. സര്വകലാശാലകളുടെ അക്കാദമിക, പരീക്ഷ, ഭരണ, സാമ്പത്തിക, ആസൂത്രണ പ്രവര്ത്തനങ്ങള് ഉള്പ്പെടെ ഏകീകൃത പ്ലാറ്റ്ഫോമിലേക്ക് മാറ്റുന്നതിന് പുതിയ എന്റര്പ്രൈസസ് റിസോഴ്സ് പ്ലാനിങ് (ഇ.ആര്.പി) സംവിധാനമാണ് നടപ്പാക്കുന്നത്. സര്വകലാശാല പ്രവര്ത്തനങ്ങളും സേവനങ്ങളും കൂടുതല് കാര്യക്ഷമവും സുതാര്യവുമാക്കുന്നതിന് സര്ക്കാര് നിയോഗിച്ച പരീക്ഷ പരിഷ്കരണ കമ്മിറ്റി സമര്പ്പിച്ച നിര്ദേശങ്ങളുടെ ചുവട് പിടിച്ചാണ് പുതിയ നടപടി.
![\"\"](\"https://schoolvartha.com/wp-content/uploads/2022/04/FB_IMG_1647572135403-1024x1024.jpg\")
സര്വകലാശാലകളുടെ നടത്തിപ്പില് അടിമുടി മാറ്റം വരുത്തുന്നതായി പുതിയ പരിഷ്കരണം മാറും. അഡ്മിനിസ്ട്രേഷന്, അക്കാദമിക്, പരീക്ഷ, ഗവേഷണം, അഫിലിയേഷന്, സാമ്പത്തികം, ആസൂത്രണം, വികസനം എന്നിങ്ങനെ സര്വ്വകലാശാലകളുമായി ബന്ധപ്പെട്ട എല്ലാം ഇ.ആര്.പി സംവിധാനത്തില് ഉള്പ്പെടുത്തും. സര്വകലാശാലകളുടെ നയരൂപീകരണത്തിന് ആവശ്യമായ വിഭവ സമാഹരണം, വിശകലനം തുടങ്ങിയവ വേഗത്തില് സാധ്യമാക്കാന് ഉള്പ്പടെ പുതിയ സംവിധാനം സഹായകരമാവുമെന്നാണ് വിലയിരുത്തല്. നടപടിക്രമങ്ങളിലെ മെല്ലെപ്പോക്ക്, അപേക്ഷകള് തീര്പ്പാക്കുന്നതിലെ കാലതാമസം, വിദ്യാര്ത്ഥികളുമായി ബന്ധപ്പെട്ട നടപടികളിലെ ഇഴഞ്ഞുപോക്ക് തുടങ്ങിയവക്കെല്ലാം പരിഹാരം വരുന്നത് കൂടിയാണ് പുതിയ സംവിധാനം.
