തിരുവനന്തപുരം: സംസ്ഥാനത്ത് കോവിഡ് വ്യാപനം ഏറിയ സാഹചര്യത്തിൽ വിവിധ സർവകലാശാലകൾ പരീക്ഷകൾ മാറ്റിവെച്ചു. കേരള,കാലിക്കറ്റ്, കണ്ണൂർ, എംജി, ആരോഗ്യ, മലയാളം സർവകലാശാലകളുടെ പരീക്ഷകളാണ് മാറ്റിയത്. ഏപ്രിൽ 19 മുതൽ നടത്താനിരുന്ന എല്ലാ പരീക്ഷകളും മാറ്റിവെച്ചിട്ടുണ്ട്.
കോവിഡ് വ്യാപനം രൂക്ഷമായ സാഹചര്യത്തിൽ പരീക്ഷകൾ മാറ്റിവെക്കാൻ വൈസ് ചാൻസലർമാരോട് ഗവർണർ നിർദേശിച്ചിരുന്നു. ഇതേതുടർന്നാണ് വിവിധ സർവകലാശാലകൾ നാളെ മുതലുള്ള പരീക്ഷകൾ മാറ്റിയതായി പ്രഖ്യാപിച്ചത്.