തിരുവനന്തപുരം : കൈറ്റ് വിക്ടേഴ്സ് ചാനൽ വഴി സംപ്രേഷണം ചെയ്തുവരുന്ന ഫസ്റ്റ്ബെൽ ഡിജിറ്റൽ ക്ലാസുകൾ പൊതുസൈറ്റിലൂടെ ലഭ്യമാക്കാനൊരുങ്ങി കേരള ഇൻഫ്രാസ്ട്രക്ചർ ആന്റ് ടെക്നോളജി ഫോർ എഡ്യൂക്കേഷൻ (കൈറ്റ്). ജനറൽ, തമിഴ്, കന്നഡ മീഡിയം എന്നി വിഭാഗങ്ങളിലെ മുഴുവൻ ക്ലാസുകളും വീഡിയോ ഓൺ ഡിമാൻഡ് രൂപത്തിൽ firstbell.kite.kerala.gov.in പോർട്ടലിൽ ലഭ്യമാകും. എപ്പിസോഡ് ക്രമത്തിൽ മീഡിയം, ക്ലാസ്, വിഷയം എന്നിങ്ങനെ തിരിച്ച് 3000 ലധികം ക്ലാസുകൾ പോ‍ർട്ടലിൽ ഒരുക്കിയിട്ടുണ്ടെന്നും കൈറ്റ് സി ഇ ഒ കെ അൻവർ സാദത്ത് അറിയിച്ചു.