തിരുവനന്തപുരം: ശാസ്ത്ര, സാങ്കേതിക മേഖലയിൽ രാജ്യത്തെ ഉന്നത പുരസ്കാരങ്ങളിലൊന്നായ ശാന്തിസ്വരൂപ് ഭട്നാഗർ പുരസ്കാരം നേടിയ മഹാത്മാഗാന്ധി സർവകലാശാല സ്കൂൾ ഓഫ് കെമിക്കൽ സയൻസസിലെ പൂർവവിദ്യാർത്ഥി ഡോ. സുബി ജേക്കബ് ജോർജിനെ സർവകലാശാല ആദരിക്കുന്നു. ഒക്ടോബർ 14ന് ഉച്ചകഴിഞ്ഞ് 2.30ന് ഓൺലൈനായി അനുമോദനപരിപാടി നടക്കും.
ഉന്നതവിദ്യാഭ്യാസ വകുപ്പ് മന്ത്രി ഡോ. കെ.ടി. ജലീൽ, മഹാത്മാഗാന്ധി സർവകലാശാല മുൻ വൈസ് ചാൻസലറും മുംബൈ സോമയ്യ വിദ്യാവിഹാർ സർവകലാശാല വൈസ് ചാൻസലറുമായ ഡോ. വി.എൻ. രാജശേഖരൻപിള്ള, വൈസ് ചാൻസലർ പ്രൊഫ. സാബു തോമസ്, പ്രോ വൈസ് ചാൻസലർ പ്രൊഫ. സി.റ്റി. അരവിന്ദകുമാർ, സിൻഡിക്കേറ്റംഗം അഡ്വ. പി. ഷാനവാസ് എന്നിവർ പങ്കെടുക്കും. കൗൺസിൽ ഓഫ് സയന്റിഫിക് ആന്റ് ഇൻഡസ്ട്രിയൽ റിസർച്ച് (സി.എസ്.ഐ.ആർ.) ഏർപ്പെടുത്തിയതാണ് ഭട്നാഗർ പുരസ്കാരം. ഡോ. സുബി ജേക്കബ് ജോർജ് ബംഗളൂരു ജവഹർലാൽ നെഹ്രു സെന്റർ ഫോർ അഡ്വാൻസ്ഡ് സയന്റിഫിക് റിസർച്ചിലെ പ്രൊഫസറാണ്.
സംസ്ഥാനത്തെ അംഗന്വാടി ജീവനക്കാരുടെ ശമ്പളം വർധിപ്പിച്ചു
തിരുവനന്തപുരം:സംസ്ഥാനത്തെ അംഗന്വാടി പ്രവര്ത്തകരുടെ വേതനം 1000 രൂപവരെ...