തിരുവനന്തപുരം:2024-25 അധ്യയന വർഷത്തെ എസ്എസ്എൽസി, ടിഎച്ച്എസ്എൽസി, സേ-പരീക്ഷകളുടെ വിജ്ഞാപനം പ്രസിദ്ധീകരിച്ചു. പരീക്ഷകൾ മേയ് 28ന് ബുധനാഴ്ച്ച ആരംഭിച്ച് ജൂൺ 5ന് വ്യാഴാഴ്ച അവസാനിക്കും. പരീക്ഷകൾ സംബന്ധിച്ചുളള വിശദ വിവരങ്ങൾ വിജ്ഞാപനങ്ങളിൽ ലഭ്യമാണ്. പരീക്ഷാ വിജ്ഞാപനങ്ങൾ https://sslcexam.kerala.gov.in, https://ths/cexam.kerala.gov.in, https://pareekshabhavan.kerala.gov.in എന്നീ വെബ്സൈറ്റുകളിൽ പരിശോധിക്കാം.
.jpg)
എസ്എസ്എൽസി മാർക്ക് ഷീറ്റ്: ഇപ്പോൾ അപേക്ഷ നൽകാം
തിരുവനന്തപുരം:2025 മാർച്ചിൽ നടന്ന എസ് എസ്എൽസി പരീക്ഷയുടെ മാർക്ക് വിവരം ആവശ്യമുള്ള വിദ്യാർത്ഥികൾക്ക് ഇപ്പോൾ അപേക്ഷ നൽകാം. ഫലപ്രഖ്യാപനം കഴിഞ്ഞ് മൂന്ന് മാസത്തിനുശേഷം പരീക്ഷാർത്ഥികൾ മാർക്ക് വിവരം ആവശ്യപ്പെട്ട് അപേക്ഷ സമർപ്പിച്ചാൽ മാർക്ക് വിവരം നൽകുന്നതിനുള്ള അനുമതി നൽകി സൂചനപ്രകാരം സർക്കാർ ഉത്തരവ് നൽകിയിരുന്നു. ഈ ഉത്തരവിൻ്റെ അടിസ്ഥാനത്തിൽ 2025 മാർച്ചിലെ എസ്എസ്എൽസി പരീക്ഷയുടെ ഫലപ്രഖ്യാപനത്തിനുശേഷം മാർക്ക് വിവരം ആവശ്യമായിട്ടുള്ള വിദ്യാർത്ഥികൾക്ക് പരീക്ഷാഭവനിൽ ബന്ധപ്പെട്ട പ്രഥമാദ്ധ്യാപകൻ / പ്രഥമാദ്ധ്യാപിക മുഖാന്തിരം നിശ്ചിത ഫീസ് അടച്ച് (500/- അഞ്ഞൂറ് രൂപാ വീതം) അപേക്ഷിക്കാം.
സ്കൂൾ പ്രഥമാദ്ധ്യാപകൻ/പ്രഥമാദ്ധ്യാപിക ഇതോടൊപ്പം ഉൾക്കൊള്ളിച്ചിരിക്കുന്ന നിശ്ചിത മാതൃകയിലുള്ള അപേക്ഷയിൽ വിശദാംശങ്ങളും പരീക്ഷാ സെക്രട്ടറിയുടെ പേരിൽ എടുത്ത ഡിമാന്റ് ഡ്രാഫ്റ്റും സമർപ്പിക്കുന്ന മുറയ്ക്ക് സ്കൂൾ മേൽവിലാസത്തിൽ മാർക്ക് ഷീറ്റുകൾ അയച്ചു നൽകും. അപേക്ഷ ഫോമിന്റെ മാതൃക താഴെ നൽകുന്നു.
