തിരുവനന്തപുരം:കേന്ദ്ര സർക്കാർ നയങ്ങൾക്കെതിരെ സംയുക്ത ട്രേഡ് യൂണിയൻ സമിതി നടത്തുന്ന 24 മണിക്കൂർ അഖിലേന്ത്യാ പണിമുടക്ക് ആരംഭിച്ചു. പണിമുടക്കിനെ തുടർന്ന് വിദ്യാഭ്യാസ സ്ഥാപനങ്ങളുടെ പ്രവർത്തനം തടസപ്പെടും. കേരള, എംജി, കാലിക്കറ്റ് അടക്കമുള്ള സർവകലാശാലകളുടെ ഇന്നത്തെ എല്ലാ പരീക്ഷകളും മാറ്റിവെച്ചു. ഇന്നലെ അർധരാത്രി ആരംഭിച്ച പണിമുടക്ക് ഇന്ന് രാത്രി 12 വരെ ഉണ്ട്. അവശ്യ സർവീസുകളെയും ശബരിമല തീർഥാടകർ, മാരാമൺ കൺവൻഷനിൽ പങ്കെടുക്കുന്നവർ എന്നിവരെയും പണി മുടക്കിൽനിന്ന് ഒഴിവാക്കിയിട്ടുണ്ട്.
കെഎസ്ആർടിസി, സ്വകാര്യ ബസ് സംഘടനകളും ഓട്ടോ, ടാക്സി യൂണിയനുകളും പണിമുടക്കിനു പിന്തുണ നൽകുന്നുണ്ട്. അധ്യാപക, കർഷക, സർക്കാർ സർവീസ്, കെഎസ്ഇബി സംഘടനകളും പണിമുടക്കിൽ പങ്കെടുക്കുന്നുണ്ട്.
- എസ്എസ്എൽസി പരീക്ഷാഫലം പ്രഖ്യാപിച്ചു: 99.07% വിജയം
- എസ്എസ്എൽസി ഫലം വേഗത്തിൽ അറിയാം: ഫലം അറിയുന്ന വാട്സ്ആപ്പ് നമ്പറും 12 സൈറ്റുകളും ഇതാ
- ആശങ്ക വേണ്ട: എസ്എസ്എൽസി ഫലപ്രഖ്യാപനത്തിൽ അന്തിമ തീരുമാനമായി
- സിബിഎസ്ഇ പന്ത്രണ്ടാം ക്ലാസ് പരീക്ഷാഫലം നാളെ ഉണ്ടായേക്കും
- നീറ്റ്-യുജി പുന:പരീക്ഷ തീയതി ഉടൻ: നടപടി തുടങ്ങി എൻടിഎ
