തിരുവനന്തപുരം:ബിരുദ വിദ്യാർത്ഥികൾക്കായി കേന്ദ്ര മാനവവിഭവശേഷി മന്ത്രാലയം അനുവദിക്കുന്ന സെൻട്രൽ സെക്ടർ സ്കോളർഷിപ്പിന് ഇപ്പോൾ അപേക്ഷിക്കാം. അപേക്ഷകൾ (ഫ്രഷ്/റിന്യൂവൽ) ഓൺലൈനായി സമർപ്പിക്കണം. കേരളാ സ്റ്റേറ്റ് ഹയർ സെക്കൻഡറി/ വൊക്കേഷണൽ ഹയർ സെക്കൻഡറി ബോർഡുകൾ നടത്തിയ 2025-ലെ 12-ാം ക്ലാസ് പരീക്ഷയിൽ 80 ശതമനത്തിൽ കൂടുതൽ മാർക്ക് വാങ്ങി വിജയിച്ചരും ഏതെങ്കിലും റഗുലർ ബിരുദ കോഴ്സിനു ഒന്നാം വർഷം ചേർന്നവരും ആയിരിക്കണം അപേക്ഷകർ. കറസ്പോണ്ടൻസ് കോഴ്സ് വിദൂര വിദ്യാഭ്യാസം, ഡിപ്ലോമ കോഴ്സ് എന്നിവയ്ക്ക് ചേർന്നവർക്ക്‌ ഈ സ്കോളർഷിപ്പിന് അപേക്ഷിക്കാൻ കഴിയില്ല.
പ്രായം 18-25. അപേക്ഷകർ നാഷണൽ സ്കോളർഷിപ്പ് പോർട്ടൽ http://scholarship.gov.in വഴി അപേക്ഷിക്കണം. അപേക്ഷിക്കുന്നതിനുള്ള അവസാന തീയതി ഒക്ടോബർ 31. വിശദ വിവരങ്ങൾക്ക് : http://collegiateedu.kerala.gov.in, http://dceshcolarship.kerala.gov.in. ഫോൺ: 9447096580, ഇ മെയിൽ: centralsectorscholarship@gmail.com
