തിരുവനന്തപുരം:സെൻട്രൽ ബോർഡ് ഓഫ് സെക്കൻഡറി എജ്യുക്കേഷൻ (സിബിഎസ്ഇ) 2025-26 അധ്യയന വർഷത്തെ 10, 12 ക്ലാസുകളിലെ സിലബസ് പുറത്തിറക്കി. പാഠ്യപദ്ധതി ഘടനയിലും മൂല്യനിർണ്ണയത്തിലും കാര്യമായ മാറ്റങ്ങൾ വരുത്തിയാണ് പുതിയ സിലബസ്. വിദ്യാഭ്യാസ സമ്പ്രദായം മെച്ചപ്പെടുത്താൻ വിവിധ പരിഷ്കാരങ്ങൾ സിബിഎസ്ഇ മുന്നോട്ട് വച്ചിട്ടുണ്ട്.
പത്താം ക്ലാസിന് രണ്ട് ബോർഡ് പരീക്ഷകൾ ഉണ്ടാകും. 2025-26 അധ്യയന വർഷം മുതൽ പത്താം ക്ലാസ് ബോർഡ് പരീക്ഷകൾ ഇനി വർഷത്തിൽ രണ്ടുതവണയാണ്. ഫെബ്രുവരിയിലും ഏപ്രിലിലുമായി പരീക്ഷകൾ നടക്കും. വിദ്യാർത്ഥികൾക്ക് മാനസിക സമ്മർദ്ദം ഇല്ലാതെ പരീക്ഷ എഴുതുന്നതിനും മികച്ച മാർക്ക് നേടുന്നതിനും ഇത് ഉപകരിക്കും. പത്താം ക്ലാസ് സിലബസ് 9 പോയിന്റ് ഗ്രേഡിങ് സിസ്റ്റത്തെ അടിസ്ഥാനമാക്കിയുള്ളതായിരിക്കും. പരീക്ഷ വിജയിക്കാൻ വിദ്യാർത്ഥികൾ ഓരോ വിഷയത്തിലും കുറഞ്ഞത് 33 ശതമാനം മാർക്ക് നേടണം.
