തിരുവനന്തപുരം:ഇന്ത്യൻ ഓവർസീസ് ബാങ്കിൽ അപ്രന്റിസ് ഒഴിവുകളിലേക്ക് ഇപ്പോൾ അപേക്ഷിക്കാം. ആകെ 750 ഒഴിവുകൾ ഉണ്ട്. ഇതിൽ 40 എണ്ണം കേരളത്തിലാണ്.ബിരുദധാരികക്കാണ് അവസരം. മാർച്ച് 9വരെ ഓൺലൈനായി അപേക്ഷിക്കണം. അപ്രന്റിസ്ഷിപ് പോർട്ടലായ http://nats.education.gov.in ൽ രജിസ്റ്റർ ചെയ്യണം.. 2025 മാർച്ച് ഒന്നിന് 20 വയസ് മുതൽ 28വരെയാണ് പരിധി. ശാഖകളിൽ 15,000 രൂപയും മറ്റ് അർബൻ ശാഖകളിൽ 12,000 രൂപയുമാണ് സ്റ്റൈപ്പൻഡ്.
ഒന്നര മണിക്കൂർ ദൈർഘ്യമുള്ള ഓൺലൈൻ പരീക്ഷയുടെ അടിസ്ഥാനത്തിലാണ് തിരഞ്ഞെടുപ്പ്. പത്താം ക്ലാസ്/12-ാം ക്ലാസ് തലം വരെ പ്രാദേശികഭാഷ പഠിച്ച സർ ട്ടിഫിക്കറ്റ് ഹാജരാക്കുന്ന അപേക്ഷകർക്ക് പ്രാദേശികഭാഷാ പരീക്ഷയില്ല. അപേക്ഷാഫീസ്: 800 രൂപ (പട്ടികവിഭാഗം/വനിതകൾക്ക് 600 രൂപ, ഭിന്നശേഷിക്കാർക്കു 400 രൂപ). ഓൺലൈനായി ഫീസ് അടയ്ക്കാം. കൂടുതൽ വിവരങ്ങൾക്ക് http://iob.in സന്ദർശിക്കുക.
