മലപ്പുറം: സ്കൂൾ വിദ്യാർത്ഥികൾക്കായി അസാപ് കേരള ഡ്രീംകിറ്റ് ദ്വിദിന ക്രിയേറ്റേഴ്‌സ് സയൻസ് ക്യാമ്പ് സംഘടിപ്പിക്കുന്നു. മൂന്ന് മുതൽ ഒൻപതാം ക്ലാസ് വരെ പഠിക്കുന്ന വിദ്യാർത്ഥികൾക്ക് ക്യാമ്പിൽ പങ്കെടുക്കാം.
രണ്ട് ദിവസം നീണ്ടു നിൽക്കുന്ന ക്യാമ്പിൽ വിദഗ്ധരായ എഞ്ചിനീയർമാരുടെ മേൽനോട്ടത്തിൽ ഡിസൈൻ തിങ്കിങ്, റോബോട്ടിക്‌സ്, കോഡിങ്, മൊബൈൽ അപ്ലിക്കേഷൻ നിർമ്മാണം തുടങ്ങിയവയുടെ ബാലപാഠങ്ങൾ രസകരമായ പ്രവർത്തനങ്ങളിലൂടെ ക്യാമ്പ് അംഗങ്ങൾക്ക് മനസ്സിലാക്കാൻ സാധിക്കും. ചെറിയ റോബോട്ടിക് കളിപ്പാട്ടങ്ങളുടെ നിർമ്മാണവും ഗെയിംസും ഉൾപ്പെടുത്തി നടത്തപ്പെടുന്ന ക്യാമ്പ് പൂർണ്ണസമയവും വിദ്യാർത്ഥികൾ പ്രായോഗിക പ്രവർത്തനങ്ങളിൽ ഏർപ്പെടുന്ന രീതിയിലാണ് സജ്ജീകരിച്ചിരിക്കുന്നത്. രണ്ടാം ദിവസം അവസാനത്തോടെ ക്യാമ്പ് അംഗങ്ങൾ വികസിപ്പിക്കുന്ന മെഗാപ്രൊജക്റ്റ് രക്ഷിതാക്കൾക്ക് മുൻപിൽ അവതരിപ്പിക്കാനും സാധിക്കും. ഒട്ടും മടുപ്പുളവാക്കാത്ത, എന്നാൽ രസകരമായ നിരീക്ഷണപരീക്ഷണങ്ങളിലൂടെ വളരെ ആസ്വാദ്യകരമായ അനുഭവമായിരിക്കും ക്യാമ്പ് അംഗങ്ങൾക്ക് ലഭിക്കുക. https://forms.gle/dmfV9pTWHdTEwauu9 വഴി രജിസ്റ്റർ ചെയ്യാം. 8089462904 എന്ന നമ്പറിൽ വിളിച്ചോ രജിസ്റ്റർ ചെയ്യാവുന്നതാണ്. നവംബർ 18,19 തീയതികളിൽ മലപ്പുറം ജില്ലയിലെ തവനൂർ അസാപ് കമ്മ്യൂണിറ്റി സ്കിൽ പാർക്കിലാണ് ക്യാമ്പ് നടക്കുക. 999 രൂപയാണ് ഫീസ്. ക്യാമ്പിന് ശേഷം 500 രൂപ വിലമതിക്കുന്ന റോബോട്ടിക് ടോയ് കിറ്റ് വിദ്യാർത്ഥികൾക്ക് ലഭിക്കും.
ബിരുദ പഠനത്തിൽ അന്തര്‍ സര്‍വകലാശാല മാറ്റം എങ്ങനെ?
തിരുവനന്തപുരം: നാലു വർഷ ബിരുദ പ്രോഗ്രാമിന്റെ ആദ്യ വർഷം പൂർത്തീകരിച്ച...
