SUBSCRIBE OUR YOUTUBE CHANNEL  https://youtube.com/c/SchoolVartha
JOIN OUR WHATSAPP GROUP https://chat.whatsapp.com/DRpNCoPl6UWGt1uknNk9db

തിരുവനന്തപുരം: ഈ വർഷത്തെ
എസ്.എസ്.എൽ.സി പരീക്ഷാഫലം മെയ് 20ന് പ്രഖ്യാപിക്കും. പ്ലസ് ടു പരീക്ഷാഫലം മെയ് 25ന് മുൻപായി പ്രസിദ്ധീകരിക്കും. മന്ത്രി വി.ശിവൻകുട്ടിയാണ് ഇക്കാര്യം അറിയിച്ചത്. മൂല്യനിർണയ ജോലികൾ അവസാന ഘട്ടത്തിലാണ്. 4,19,554 വിദ്യാർഥികളാണ് ഇത്തവണ എസ്.എസ്.എൽ.സി പരീക്ഷ
എഴുതിയത്.

പാഠ്യേതര വിഷയങ്ങളിൽ മികവ്
തെളിയിച്ച വിദ്യാർഥികൾക്ക് ഇത്തവണ
ഗ്രേസ് മാർക്ക് നൽകും. കോവിഡ്
പ്രതിസന്ധിയെ തുടർന്ന് കാരണം കഴിഞ്ഞ അധ്യയന വർഷങ്ങളിൽ ഗ്രേസ് മാർക്ക് നൽകിയിരുന്നില്ല. സംസ്ഥാന,ദേശീയ, അന്തർദേശീയ തല മത്സരങ്ങളിലെ മികവ്, സ്കൗട്ട്സ് ആൻഡ് ഗൈഡ്സ്, സ്റ്റുഡന്റ് പോലീസ് കേഡറ്റ്, നാഷണൽ കേഡറ്റ് കോർപ്സ്, ജൂനിയർ റെഡ്ക്രോസ്, നാഷണൽ സർവീസ് സ്കീം എന്നിവയാണ് ഗ്രേസ്
മാർക്കിനായി പരിഗണിക്കുന്നത്.

പ്ലസ് വൺ സീറ്റ് പുനഃക്രമീകരണത്തിനായി ഈ വർഷം പ്രത്യേക കമ്മിറ്റി ഏർപ്പെടുത്തുന്നുണ്ട്. സ്കൂൾ തുറക്കുന്നതിനുള്ള ക്രമീകരണങ്ങൾ മെയ് 25ന് മുൻപുതന്നെ പൂർത്തിയാക്കും. ജൂൺ ഒന്നിന് തന്നെ പുതിയ അധ്യയന വർഷം ആരംഭിക്കും.