SUBSCRIBE OUR YOUTUBE CHANNEL https://youtube.com/c/SchoolVartha
JOIN OUR WHATSAPP GROUP https://chat.whatsapp.com/ItKIOEhP0Y77RCNQC4zaj3

ന്യൂഡൽഹി: മിനിരത്ന റാങ്കിലുള്ള കേന്ദ്ര പൊതുമേഖലാസ്ഥാപനമായ ടി.എച്ച്.ഡി.സി ഇന്ത്യ ലിമിറ്റഡിൽ എൻജിനീയറിങ് ട്രെയിനികളുടെ തസ് തികളിലെ 90 ഒഴിവിലേക്ക് എൻജിനീയറിങ് ബിരുദധാരികൾക്ക് അപേക്ഷിക്കാം. സിവിൽ-36, ഇലക്ട്രിക്കൽ-36, മെക്കാനിക്കൽ-18 എന്നിങ്ങനെയാണ് ഒഴിവുകൾ. ഗേറ്റ് സ്കോർ 2022 അടിസ്ഥാനമാക്കിയാണ് തിരഞ്ഞെടുപ്പ്.ഒരു വർഷമാണ് പരിശീലനം. യോഗ്യത: 65 ശതമാനം മാർക്കോടെ നേടിയ ബി.ഇ./ ബി.ടെക്./ ബി.എസ്.സി (എൻജിനീയറിങ്). സിവിൽ, ഇലക്ട്രിക്കൽ, ഇലക്ട്രിക്കൽ (പവർ), ഇലക്ട്രിക്കൽ ആൻഡ് ഇലക്ട്രോണിക്സ്, പവർ സിസ്റ്റംസ് ആൻഡ് ഹൈവോൾട്ടേജ്, പവർ മെക്കാനിക്കൽ, മെക്കാനിക്കൽ ഓട്ടോമേഷൻ എൻജിനീയറിങ് എന്നിവയാണ് വിഷയങ്ങൾ. പത്ത്, പന്ത്രണ്ട് ക്ലാസുകളിലെ വിജയം 65 ശതമാനം/ തത്തുല്യ ഗ്രേഡോടെ ആയിരിക്കണം. പ്രായം: 05.04.2023 ന് 30 വയസ് കവിയരുത്. (സംവരണ വിഭാഗക്കാർക്ക് നിയമാനുസൃത വയസ് ഇളവ് ലഭിക്കും). സ്റ്റൈപെൻഡ്: 50,000 രൂപ. പരിശീലനം വിജയകരമായി പൂർത്തിയാക്കുന്നവരെ 60,000- 1,80,000 രൂപ ശമ്പള സ്കെയിലുള്ള സീനിയർ എൻജിനീയർ തസ്തികയിൽ നിയമിക്കും. വിവിധ യൂണിറ്റ്/ പ്രോജക്ട് ഓഫീസുകളിലായിരിക്കും നിയമനം. അപേക്ഷ ഓൺലൈനായി സമർപ്പിക്കുന്നതിനും വിശദവിവരങ്ങൾക്കും http://thdc.co.in എന്ന വെബ്സൈറ്റ് സന്ദർശിക്കുക. അപേക്ഷ സ്വീകരിക്കുന്ന അവസാന തീയതി മേയ് 4 വരേയാണ്.