SUBSCRIBE OUR YOUTUBE CHANNEL https://youtube.com/c/SchoolVartha
JOIN OUR WHATSAPP GROUP https://chat.whatsapp.com/IudqmDL1gDWB5Cvn85qQ5P
തിരുവനന്തപുരം: പ്രീ മെട്രിക് സ്കോളര്ഷിപ്പ് ഉള്പ്പടെയുള്ള വിവിധ ആനുകൂല്യങ്ങള്ക്ക് അപേക്ഷിക്കാന് വിദ്യാര്ത്ഥികള്ക്ക് ആവശ്യമായ സേവനങ്ങളും സൗകര്യങ്ങളും നല്കുന്നതിന് സ്കൂളുകള് ഫീസുകളോ സംഭാവനകളോ കുട്ടികളില് നിന്ന് ഈടാക്കരുതെന്ന് പൊതുവിദ്യാഭ്യാസ വകുപ്പിന്റെ നിര്ദേശം. സര്ക്കാര്, എയ്ഡഡ് സ്കൂളുകള് സേവന ചാര്ജുകള് ഈടാക്കുന്നുവെന്ന പരാതികളെ തുടര്ന്നാണ് പ്രീ-മെട്രിക് (മൈനോരിറ്റി) സ്കോളര്ഷിപ്പ് സംബന്ധിച്ച നിര്ദേശങ്ങളുടെ കൂട്ടത്തില് ഇക്കാര്യവും വ്യക്തമാക്കിയിട്ടുള്ളത്. സ്കോളര്ഷിപ്പ്
![\"\"](\"https://schoolvartha.com/wp-content/uploads/2022/08/ad-7-6-1024x1024.jpeg\")
സംബന്ധിച്ച വിവരങ്ങള് വിദ്യാര്ത്ഥികളുടെ ശ്രദ്ധയില് വരത്തക്ക രീതിയില് അറിയിപ്പ് നല്കുന്നതിന് ബന്ധപ്പെട്ട വിദ്യാഭ്യാസ ഓഫീസര്മാര്/പ്രധാനാധ്യാപകര് പ്രത്യേകം ശ്രദ്ധിക്കണമെന്നും സര്ക്കാര് നിര്ദേശിച്ചിട്ടുണ്ട്. കൂടുതല് വിവരങ്ങള്ക്ക് പൊതുവിദ്യാഭ്യാസ ഡയറക്ടറുടെ കാര്യാലയത്തിലെ 0471-3567564, 8330818477, 9496304015 എന്നീ ഫോണ് നമ്പരുകളിലേക്ക് വിളിക്കാവുന്നതും വിവരങ്ങള് തേടാവുന്നതുമാണ്. പൊതുവിദ്യാഭ്യാസ വകുപ്പ് വഴി സംസ്ഥാനത്ത് നടപ്പാക്കുന്ന കേന്ദ്രാവിഷ്കൃത സ്കോളര് ഷിപ്പായ ന്യൂനപക്ഷ പ്രീ-മെട്രിക് സ്കോളര്ഷിപ്പിന് അപേക്ഷ സമര്പ്പിക്കുന്നതിനും, സ്കൂളുകള്/സ്ഥാപനങ്ങള് നാഷണല് സ്കോളര്ഷിപ്പ് പോര്ട്ടലില് രജിസ്റ്റര് ചെയ്യുന്നതിനുമുള്ള വിജ്ഞാപനം, കേന്ദ്ര
![\"\"](\"https://schoolvartha.com/wp-content/uploads/2022/08/ad-2-6-768x1024.jpeg\")
ന്യൂനപക്ഷകാര്യ മന്ത്രാലയം സൂചനകള് പ്രകാരം പുറപ്പെടുവിച്ചിട്ടുണ്ട്. പ്രീ-മെട്രിക് (മൈനോരിറ്റി സ്കോളര്ഷിപ്പിന് അര്ഹതയുള്ള വിദ്യാര്ത്ഥികള് നാഷണല് സ്കോളര്ഷിപ്പ് പോര്ട്ടല് (എന്.എസ്.പി) വഴി ഓണ്ലൈന് ആയി ഫ്രഷ് /റിനിവല് അപേക്ഷ സമര്പ്പിക്കണം. ഓഫ്ലൈന് അപേക്ഷകള് സ്വീകരിക്കുന്നതല്ല. ന്യൂനപക്ഷ പ്രീ-മെട്രിക് സ്കോളര്ഷിപ്പിന് നാഷണല് സ്കോളര്ഷിപ്പ് പോര്ട്ടല് (എന്.എസ്.പി) വഴി ഓണ്ലൈന് അപേക്ഷ സമര്പ്പിക്കുന്നതിനുള്ള അവസാന തീയതി 2022 സെപ്റ്റംബര് 30 ആണ്. മുസ്ലീം, ക്രിസ്റ്റ്യന്, ജൈനര്, ബുദ്ധര്, സിഖ്, പാഴ്സി എന്നീ ന്യൂനപക്ഷ മതവിഭാഗങ്ങളില്പ്പെട്ട വിദ്യാര്ത്ഥികള്ക്ക് മാത്രമാണ് ന്യൂനപക്ഷ പ്രീ-മെട്രിക് സ്കോളര്ഷിപ്പിന് അര്ഹതയുള്ളത്. സര്ക്കാര്/എയ്ഡഡ് അംഗീകാരമുള്ള പ്രൈവറ്റ് സ്കൂളുകള് എന്നിവിടങ്ങളില് ഒന്നാം ക്ലാസ് മുതല് പത്താം ക്ലാസ്
![\"\"](\"https://schoolvartha.com/wp-content/uploads/2022/08/IMG-20220731-WA0017-1-818x1024.jpg\")
വരെ പഠിക്കുന്ന കുട്ടികള്ക്ക് പ്രസ്തുത സ്കോളര്ഷിപ്പിന് അപേക്ഷിക്കാം. അപേക്ഷകരായ കുട്ടികള് ഉള്പ്പെടുന്ന കുടുംബത്തിന്റെ ആകെ വാര്ഷിക വരുമാനം പരമാവധി ഒരു ലക്ഷം രൂപ വരെയാണ്. മാത്രമല്ല ഒരു കുടുംബത്തിലെ 2 കുട്ടികള്ക്ക് മാത്രമാണ് സ്കോളര്ഷിപ്പിന് അര്ഹതയുള്ളത്.
- ‘കലൈക്കോട്ട..’ തുറന്നു: ഇൻ്റർസോൺ കലോത്സവത്തിന് തിരിതെളിഞ്ഞു
- പുതിയ അധ്യയന വർഷം വരുന്നു: പ്രവേശനോത്സവം ജൂൺ ഒന്നിന് തന്നെ
- എസ്എസ്എൽസി പരീക്ഷാഫലം വൈകും:മൂല്യനിർണ്ണയം ഇന്ന് തുടങ്ങി
- വേനലവധിക്കാലത്തെ സ്പെഷ്യൽ ക്ലാസുകൾ അനുവദിക്കില്ല; നിയമലംഘനം നടത്തുന്നവർക്കെതിരെ കർശന നടപടി
- സിബിഎസ്ഇ പത്താം ക്ലാസ് പരീക്ഷയിൽ 93.70 ശതമാനം വിജയം: രാജ്യത്ത് തിരുവനന്തപുരം ഒന്നാമത്
