JOIN OUR WHATSAPP GROUP https://chat.whatsapp.com/Fub3n2XSsER2apt6xrU51O

പൊന്നാനി: ലോക പരിസ്ഥിതി ദിനത്തിൽ കോളേജ് വിദ്യാർത്ഥികൾ പൊന്നാനി ബീച്ച് പരിസരം ശുചീകരിച്ചു. എടപ്പാൾ മാണൂരിലെ മലബാർ കോളേജ് ഓഫ് കോമേഴ്സ് ആൻഡ് സയൻസിലെ നേച്ചർ ക്ലബ്ബിന്റെ നേതൃത്വത്തിലാണ് ശുചീകരണം നടന്നത്. ശുചീകരണ പരിപാടിയുടെയും ലഘുലേഖ വിതരത്തിന്റെയും ഉദ്ഘാടനം പൊന്നാനി നഗരസഭ ഉപാധ്യക്ഷ ബിന്ദു സിദ്ധാർഥ് നിർവഹിച്ചു. മാലിന്യം നിക്ഷേപിക്കാനുള്ള വീപ്പകൾ കൗൺസിലർ പി. സീനത്ത് ഏറ്റുവാങ്ങി. ഉദ്ഘാടന ചടങ്ങിൽ കോളേജ് പ്രിൻസിപ്പൽ കെ. പ്രസാദ് അധ്യക്ഷനായി. വൈസ് പ്രിൻസിപ്പൽ അംബുജാക്ഷൻ, സൗമ്യ സെൽവരാജ് എന്നിവർ പ്രസംഗിച്ചു.
